出場歌曲邪一邪？速龍作客慘負公鹿
NBA季後賽，多倫多速龍作客密爾沃基公鹿。作客得就預咗比人恰，但估唔到公鹿竟然喺介紹速龍球員時，竟然播出《恐龍仔班尼》的主題曲，諷刺速龍變做恐龍仔。最終速龍以77:104落敗，大敗27分，場數落後1:2。
AP圖片
網上一直都有流傳一張改圖，也就是迪羅山與羅利穿上粉紅色波衫，印有班尼的模樣，暗指兩人球風軟弱。殊不知公鹿咁大膽，於正式比賽直接嘲諷對手，相信速龍球員都真係嚇一嚇。
網上圖片
公鹿於這場大戰由頭帶落尾，全靠對方的迪羅山及羅利失準，前者命中率為0%，出場30分鐘8投0中僅得8分，後者則有40%的命中率，但較平時表現為差，得13分及5個籃板。
AP圖片
公鹿方面則有美杜臣取得全隊高分20分及7個助攻，另外還有5個隊員得分上雙，「字母哥」安迪度安寶則貢獻19分、8個籃板、2個偷球及2個封阻。
安迪度安寶（AP圖片）
美杜臣（AP圖片）
