蜘蛛俠絕跡MCU SONY無懼迪士尼霸權嘅三大原因
既然迪士尼咁財大氣粗，不如收購埋SONY啦。
網上圖片
早前Marvel總裁Kevin Feige早前表示以後唔會再拍《蜘蛛俠》系列嘅電影，即係話《蜘蛛俠》唔會重返MCU第4階段，之後所有嘅蜘蛛俠系列都會由SONY自己拍返。因為迪士尼向SONY大咬要五五分賬票房收入，SONY認為迪士尼本身賣精品都賺唔少，所以兩邊反面收場。其實以而下時勢嚟睇，要擔心嘅應該係迪士尼。
網上圖片
當Marvel單方面宣布唔拍蜘蛛俠之，唔少FANS都揚言罷睇SONY版本嘅蜘蛛俠。表面上睇似乎SONY一定要靠Marvel先可以拍到蜘蛛俠，因為MCU FANS 隨時會杯葛，但咁樣係唔會令SONY驚架。以下係SONY三大籌碼，令佢可以企硬。
1. SONY揸實蜘蛛仔合同
網上圖片
《復仇者聯盟4》之後，一班元老成員正式退下火線，第四階段要加入大批新人先可以保持Marvel優勢。原本Marvel Studios計畫打算畀蜘蛛俠做接班人，但而家出意外令佢大失預算。
網上圖片
由湯賀蘭飾演嘅蜘蛛俠係現存最高人氣嘅超級英雄，而湯賀蘭本人都累積左唔少人氣，大人細路都鍾意佢。最重要嘅就係，當年湯賀蘭係同SONY簽約，而唔係同Marvel或者迪士尼。拎住咁大張牌，難怪SONY唔怕迪士尼霸權。
2.蜘蛛俠要接替「鐵甲奇俠」?
網上圖片
相信大家都知Marvel明顯係想打造蜘蛛俠成為鐵甲奇俠嘅接班人，而且鐵甲奇俠又死埋，喺劇情上嚟講SONY真係有咩必別要依賴Marvel。之後SONY要獨立發展其實都冇咩要擔心，反而係Marvel冇左蜘蛛俠唔知點搞就真。
3.蜘蛛俠反派宇宙型
網上圖片
其實SONY一直都發展蜘蛛俠嘅反派宇宙，包括《毒魔》（Venom）同《Morbius》，呢一着其實係相當精明。SONY有兩個演技派明星坐鎮做反派英雄，有湯哈迪（Tom Hardy）同謝拉力圖（Jared Leto），就算唔係睇開英雄片嘅觀眾都會受吸引。而且盛傳蜘蛛俠即將會喺《毒魔2》登場，唔少影迷都相當期待。SONY開拓自己嘅宇宙點都好過一直靠人地，尤其而家蜘蛛俠咁紅。
