《沉默的證人》法醫五大忌 返工嗰陣千祈唔好話好得閒 否則… …
返緊工話好得閒，真係會人神鬼共憤。
最近由香港同中國合嘅電影《沉默的證人》由張家輝、任賢齊主演，電影講述飾演法醫嘅張家輝喺返工嘅時候突然畀匪徒襲擊，原來對方係要劫屍，因為咁而揭出一單連環殺人案。咁其實法醫作為搜證破案最關鍵嘅一環，其實都有唔少忌諱，今次就講下作為法醫嘅五大禁忌。
1.唔好叫同事全名
網上圖片
台灣著名法醫高大成喺綜藝節目講過，曾經有負責清理案發現場嘅同事同佢講，話有其他工作人員喺現場嗌另一位同事嘅全名，兩個收工之後就揸電單車返屋企。畀人響全朵嘅同事就一路聽到有「人」係咁嗌佢個名，之後先肯定唔同事叫佢，之後佢地喺現場就用生果名做代號互相稱呼。
2.唔可以隨便掂人地個遺體
網上圖片
高大成表示當佢到左案發現場之後，佢都會跪低用雙手拜一拜，再講一句「對唔住，幫你睇睇。」之後先再揭開死者白布。同埋唔可以喺亂咁行，唔可以踩住遺體行。九十後永褔殯儀太子爺羅偉立喺訪問表示，每次掂遺體之前都會出聲通知，一定要當對方仲在生一樣咁溝通，以示尊重。
3.唔可以對死者亂咁講嘢
網上圖片
做法醫要尊重死者係最基本嘅工作態度，有個台灣遺體修體復師喺做嘢嗰陣，聽到一位男同事講句：「生得咁靚，可惜對胸顏色深左啲。」之後嗰位口多同事返到屋企之後就係咁病，最後要跪喺死者靈堂前不停道歉先冇事。
網上圖片
香港嘅法醫藍偉文就喺其他訪問提過，當值嘅時候千祈唔好講話「好得閒」。有個同事喺開工嗰陣話：「好悶、冇嘢做。」結果畀人左出去開工七、八次。（咁其實應該係畀老細聽到啫。）
4.唔可以直視遺體嘅眼
網上圖片
通常一開頭接觸到遺體嘅時候，都會遮住佢地對眼或者幫佢合埋眼皮，咁做可以令法醫做嘢嗰陣會安心啲，費事成日好似畀人監視住；同埋可以避免同死者交流，會令死者有留戀，搞到人地可能會喺隨離一齊睇。
5.返屋企一定要洗衫
網上圖片
法醫收工返屋企之後一定要洗做嘢嗰陣着過嘅衫，一來係同衛生有關，長時間留喺解剖室就會有屍味，一定要洗乾淨。
