《Joker》演員Marc Maron鬧爆MCU電影 Marvel迷大暴動！
每次有MCU電影上畫嘅時候，其他劇情片都會讓路，觀眾得返好少選擇。
喺2008年，仲未冇MCU計劃嘅時候，當時嘅超級英雄片仲未好似今日咁獨霸票房，其他類型嘅電影基本上係捱打狀態。基斯杜化路蘭執導嘅《蝙蝠俠》系列，行寫實路線，同Marvel嘅合家歡電影完全唔同。雖然近DC嘅《水行俠》、《沙贊！神力結集》都加左唔少搞笑元素，但同迪士尼旗下嘅Marvel相比，DC嘅電影仍然都係跟返傳統劇情片嘅走向。十月三號會喺香港上畫嘅《Joker》，喺美國會以R級為分級，即未滿十七歲嘅觀眾要由家長陪同先可以入場，因為電影有唔少血腥同暴力鏡頭，DC影迷都相當期待黑暗DC重現大銀幕。
網上圖片
美國清談節目主持兼喜劇演員Marc Maron都有份喺《Joker》演出，佢早前出席搞笑清談節目《Conan's Show》受訪嘅時候表示，因為可以同祖昆馮力士同羅拔迪尼路一齊做戲，所以就應承去做戲。Marc 喺節目仲話自己對《復仇者聯盟》系列冇興趣，甚至話：我都唔係七歲細路，漫畫改編嘅電影係拍畀大唔透嘅毒撚睇(Grown male nerd child)。而家搞到想睇認真少少嘅電影，要揸十五分鐘車去啲細戲院先睇到戲。」
網上圖片
Marc 呢番言論搞到一班Marvel Fans起晒鋼，個個喺Twitter度講：「我係大唔透嘅毒撚，咁又點呀!? 」Marc 回應就話：「唔好搞到好似個宗教狂熱份子咁啦，郁啲就話要捍衛自己信仰。如果我唔信嘅，咁咪由我囉。我都好鍾意好多漫畫，試下放鬆下你地嗰套主流價值觀啦。」
網上圖片
咁唔少網友都指責話，《Joker》咪又係漫畫改編電影，Marc Maron就強調，呢部電影係同大家以前想像嘅漫畫改編或者其他超級英雄片係完全唔同。唔單止高度原創，而且仲想發掘精神病患者嘅內心世界，例如祖昆馮力士為左呢部戲，係咁觀察精神病病人嘅表情，希望捕捉到佢地失控嘅笑容。
網上圖片
相信就算唔鍾意超級英雄片嘅觀眾都好，應該都對呢部入選威尼斯國際電影節同埋極有機會提名奧斯卡嘅《Joker》好有興趣。
