【復仇者聯盟4】影迷又發現大戰場面有漏洞 奇異博士出晒事？
套戲好睇咪得囉，無謂吹毛求疵。
《復仇者聯盟4：終局之戰》成功打破《阿凡達》嘅票房紀錄，成為全球最賣座電影。早前電影公司推出左藍光碟，有影迷喺睇戲嘅時候，發現電影有穿崩位。
網上圖片
Marvel Studio為左力谷電影成為球第一票房，不惜新增被刪減片段重新上畫，最終《復仇者聯盟4》以27億9600萬票房成功擊敗《阿凡達》電影公司推出藍光版之後，一眾影迷都可以瘋狂睇戲，揾下彩蛋。但係，仲未見有新彩蛋，有影迷就發現左電影嘅穿崩位。
網上圖片
奇異博士喺《復仇者聯盟3》入面，用時間寶石同魁隆換返鐵甲奇俠條命。但係，魁隆喺電影尾聲嘅時候有齊六粒無限寶石，彈手指搞到全宇宙一半生物化灰，包括一半嘅復仇者成員，奇異博士、蜘蛛俠、黑豹等等。
網上圖片
化灰嘅復仇者成員喺《復仇者聯盟4》出現返嘅時候，奇異博士因為送走左時間寶石所以就冇戴到阿迦莫托之眼（Eye of Agamotto）。但係，到美國隊長喺度嗌「Avengers assemble」（復仇者集結）嘅時候，後面嘅奇異博士就突然間又戴返阿迦莫托之眼。有位網友就喺IG度PO左呢段穿崩鏡頭，不過有好多留言就表，呢部係相當出色嘅電影，唔好再陷入「邏輯」問題入面。
網上圖片
點解會話「再」陷入，因為之前都有人發大呢啲「穿崩」鏡頭嚟講。本身美國隊長嘅盾牌就應該爛左，但係呢個鏡頭就見到個盾完完整整。不過咁又何苦呢，個盾牌細到咁都要捉，唔講都唔知美國隊長企喺嗰度。
網上圖片
如果睇電影嘅時候，只係一味顧住揾前後鏡頭有冇咩位唔連貫、穿崩位，其實都幾冇癮。
