【Netflix】《Mindhunter》五大必睇原因 兩大連環殺人懸案雙線並行
必睇！
網上圖片
Netflix劇集《破案神探：Mindhunter》第二季載譽歸來，荷李活神級導演大衛芬查繼續做監製導演。劇集播出之後大受好評，點解第二季都仲係咁好睇？
網上圖片
《Mindhunter》故事講述喺七十年代嘅美國，當時大眾都唔係好了解犯罪心理學，劇中兩位FBI探員就走訪全美國各大高度設訪監獄，訪問多位連環殺人犯，希望建立犯人側寫系統，用作未來嘅調查工作。今次就講下《Mindhunter》五大必睇原因：
網上圖片
一：網友一面倒正評
網上圖片
嚟到第二季，美國影評評網站「爛蕃茄」Rotten Tomatoes係100%「新鮮」度，而IMDB每集評分都超過8.0，絕對有保證。
二：查案主線劇情
網上圖片
第二季仲會提到80年代震驚美國嘅「亞特蘭大殺童狂魔」，兩年之內有三十個黑人小朋友畀人謀殺，警察因為為太無能所以一直都破唔到案。直到主角用犯罪心理學嘅技巧揾到每單案嘅關聯先揾到真凶。今次劇集唔再好似第一季咁樣，淨係四圍去採訪殺人狂，會落手查埋令所有美國人膽戰心驚嘅懸案，包括上季鋪落嘅BTK連環殺人犯。
三：越嚟越變態嘅變態殺人犯
網上圖片
今次嘅主線劇情有少少唔同，但仍然都有唔少惡名昭彰嘅殺人犯出場，個個比起林過雲有過之而無不及。例如自稱Son of Sam 嘅 David Berkowitz，喺上季已留左伏筆，兩位主角喺上堂嘅時候都拎出嚟做教材。
四：同邪教教主查理文遜直接交手
網上圖片
第二季最可怕嘅殺人魔就一定係邪教教主查理文遜，佢從來冇親手殺人，但佢可以控制佢嘅信徒入屋殺死五個人，包括當時已經大肚八個月嘅荷李活明星莎朗蒂。當然，兩位主角都會訪問埋落手殺人嘅信徒。
五：主角心路歷程轉折
網上圖片
《Mindhunter》唔止探討殺人犯心理，仲會講埋探員嘅心理變化，例如上季搞到有創傷症候群嘅Holden Ford，同埋個仔疑似有變態心理傾向嘅Bill Tench。因為Bill個仔中晒所有先天變態殺人犯嘅特徵，例如佢鍾意睇凶案現場嘅血腥相，同埋會無故瀨尿。至於佢個仔會唔會變成連環殺人犯，就要等第三季先知。
網上圖片
