【鐘意音樂嘅朋友】《緣來自昨天》揭秘原來金曲《Let It Be》係發夢先作到？
一定要堅持發夢，先會有成果。Beatles 就係好例子。
電影《緣來自昨天》上個星期喺香港上畫，再次興起披四頭熱潮，電影有大量致敬Beatles嘅彩蛋，唔少金曲都變戲入面嘅笑位，例如《Hey Jude》變左《Hey Dude》。今次要講嘅經典首本名曲係《Let It Be》，其實呢首歌係同保羅麥卡尼（Paul McCartney）嘅阿媽有關。
網上圖片
喺《緣來自昨天》入面，全世界都唔記左Beatles，得男主角記得以前嘅經典金曲。當佢準備要唱《Let It Be》，成日畀佢阿爸阿媽劖亂歌柄，但就唔知道自己喺呢個時刻係全世界頭兩個聽到《Let It Be》嘅人。
網上圖片
相信唔少人都會鍾意《Let It Be》，其實呢首金曲原來係同麥卡尼過左生嘅媽媽有關。《Let It Be》喺1970年推出，但其實喺1968年嘅時候麥卡尼就已經寫緊呢首歌。但係當時Beatles面臨散Band危機，成員之間嘅關係都相當緊張，當然麥卡尼心情亦都相當唔好。
網上圖片
麥卡尼喺訪問入面講話，喺68年嗰陣（Beatles準備解散嘅時候），夢見自己過左生十年嘅阿媽Mary Patricia McCartney同佢講：「It 's going to be okay , just let it be.（順期自然，船到橋頭自然直 。）」阿媽報夢令到麥卡尼重新振作，一瞓醒就作「Let it be」變成旋律，創作左呢首舉世名曲。歌詞入面有一句「Mother Mary comes to me , speaking words of wisdom」，好多人以為作講緊聖母瑪利亞，但其實係講緊佢阿媽Mary Patricia。
網上圖片
