《我和我的祖國》集合7位名導 任達華惠英紅眼濕濕演繹當年回歸故事
宣傳標語：「香港，我们永远在一起！」
中國電影《我和我的祖國》係集合七個中國名導，分別執導七個短片故事，由陳凱歌掛名做總導演，呢部電影專門拍嚟慶祝中華人民共和國成立七十周年。咁開心嘅事當然會預埋香港人啦！
網上圖片
其中由薛曉路執導嘅《回歸》講述1997年7月1日香港主權移交嘅交接儀式，當年中英雙方談判左十六次，係因為中方強烈要求五星紅旗一定要喺7月1日嘅0時0分準時升起。
網上圖片
喺呢套《回歸》入面，任達華飾演一個鐘錶師傅，而惠英紅就飾演香港警察。中國演員杜江同朱一龍就扮升旗手。我地見到惠英紅帶領住一班香港警察一齊換帽徽，當然由「皇家警察」換成「特區警察」嘅徽章。而任達華就眼濕濕咁喺天台睇煙花，而背景音樂就係羅大佑嘅《東方之珠》。
網上圖片
講起《東方之珠》，早前本網有篇文章介紹過中國被短暫禁播的歌曲，當時呢首歌喺QQ音樂同蝦米音樂呢兩個中國音樂平台都係揾唔到。最近喺呢兩個平台又揾得返《東方之珠》，可能係同《我和我的祖國》呢部戲有關。
網上圖片
《我和我的祖國》將於十月一日喺中國上畫，未知香港會唔會同步公映。
