曾國祥為秘婚做準備？ 陪準舅仔買西裝夠細心
一見記者影相，曾國祥即Man爆護著王敏奕及舅仔。
39歲的曾國祥與27歲的王敏奕（Venus）拍拖6年，兩人將於明天在日本輕井沢舉行婚禮，日前傍晚，曾國祥同王敏奕及女友嘅兩位細佬加糖妹去銅鑼灣利園睇兒童西裝，五個人最細係Venus嘅12歲細細佬，曾國祥非常細心為舅仔揀衫，一見記者則主動行前禮貎話望畀啲空間，之後還到商場中庭會合雙方媽媽，眼見兩家人關係很好，準新抱同奶奶好好傾。
曾國祥揀咗灰色西裝外套畀好可愛嘅細細佬試，試完一對準新人即畀意見。
據知榮升老爺的曾志偉已Call齊圈中老友余安安、鍾鎮濤及戚美珍等到當地見證，禮成後再拉隊到北海道玩。對於日本秘婚一事，曾國祥與王敏奕兩人暫未有回應。
離開童裝店，曾國祥同王敏奕刻意遮住細細佬。
當日，一行五人在名牌童裝店幫Venus的同母異父細細佬揀衫，很明顯係為小朋友置裝去參加婚禮，曾國祥及王敏奕最用心，看恤衫又看外套，行勻全間舖，見有適合的會細細聲商量，揀完再拎畀細細佬試，兩人揀中一件近三千元的灰色西裝外套，估計應該買去參加胞姊婚禮之用。而二細佬就好怕醜知道有記者即行離店舖，曾國祥發現記者，禮貌行前叫記者畀些空間，你有禮貌記者梗識做。
行行吓，發現遮唔到幾多，曾國祥決定放棄。
眾人空手離開，曾國祥同王敏奕刻意遮住細細佬，眾人行去商場中庭大堂位等候，原來Venus及曾國祥的母親亦在現場，期間，曾國祥返回童裝店買衫，買完再會合女友家人先一齊離開。現場觀察，王敏奕同準奶奶好好傾，兩家人相處相當融洽。據知志偉老友余安安及鍾鎮濤等已身在日本，兩人分別在ig Story貼出酒店房外的小橋流水相片及飲清酒的相片。而曾國祥同父異母的姐姐曾寶儀對二人的婚事保密，未有承認，也沒有否認，並表示留待本人回答。
資料圖片
同王敏奕因拍TVB劇《女人俱樂部》成為老友的陳嘉寶及糖妹對其婚訊齊齊封嘴。陳嘉寶表示沒聽過，還說就算是都好正常。而跟準新娘是閨密的糖妹則說：「我唔知道喎，冇聽過。」
曾國祥好用心為準舅仔揀衫，乜都睇，睇外套之餘亦有揀恤衫同褲。
曾國祥
拍拖6年，曾國祥及王敏奕經常放閃，兩人生日必會慶祝兼上載Sweet爆相到社交平台。
曾國祥及王敏奕
曾國祥母親（左二）及王敏奕母親（右一）及避鏡頭離開童裝店的二細佬（左三）亦在場，眾人企喺商場吹水。
