鄧麗欣被催婚催生仔搞到厭：催到好似我無機會咁
學Stephy話齋，一切順其自然啦～
Stephy指未有計劃結婚生仔，一切順其自然。
鄧麗欣（Stephy）出席活動時，否認幫助傅穎回港發展的報道，指對方有自己的公司，不用她代勞，但承認大家有互相關注社交網站、及有私訊傾偈。
鄧麗欣、黃宗澤
說到粉絲希望Cookies合體，Stephy謂：「咁太複雜了，牽涉到好多事，涉及的已經有生了小朋友的兩個媽咪，加上吳雨霏又就快生B，即將要迎接漫長的湊B之路....；但都唔係無可能，只係唔知要等到幾時，或者黃宗澤開騷，Cookies合體為佢做嘉賓，事關一切都有可能。」繼而她扯開話題，稱暫時較為空閒，待月底才飛往台灣為當地第2間果汁新店開幕，又透露馬來西亞和加拿大都有果汁分店，但不會親自前往巡視業務。笑指Stephy可趁空閒結婚生仔，她即輕呼：「呢幾年成日被催結婚、催生仔，催到覺得自己好似無機會咁，總之未有計劃，一切順其自然。」
鄧麗欣
鄧麗欣
