【世界盃Q and A】潘文迪鼓勵新一代努力： 被睇低更加要爭氣
潘文迪的世界盃記憶，由何時開始？
潘文迪效力香港隊多年，退役後一度出任港隊助教。 資料圖片
潘文迪，曾是香港代表隊成員，司職中場，球員時代曾經效力東方、南華、晨曦、愉園等球會，現為港超聯球隊愉園董事。
球員時代的阿迪青靚白淨，是贊助商辦足球類活動的寵兒。 資料圖片
資料圖片
Q. 你第1次睇世界盃，係邊一屆，有咩深刻記憶?
A. 第一次係1986年墨西哥世界盃，當時我9歲，最深印象係馬勒當拿。當時我開始玩樂性質咁踢足球，屋企人睇世界盃，我又睇。當時只係知道馬勒當拿，好勁，印象好模糊，只係諗佢咁矮又咁勁？
之後，好認真睇應該係1998年法國世界盃。以前無咁多波睇，當時體院年代在宿舍住，平時一早瞓著準備翌晨練波，直到1998年，已經出來踢職業球隊，先真真正正睇世界盃，大約係咁。
馬勒當拿在1986墨西哥世界盃奠定球王地位。 AP圖片
Q. 自己踢過幾多屆世界盃，入選香港隊? 形容一下踢世界盃的感受?
A. 我踢咗好多年香港隊，由奧運隊開始。記得1995、96年，皇朝盃，當時係新人咁入選過，因為同期太多人，自己只是出道不久。自己的港隊生涯斷斷續續，要睇有冇得踢，自己是可以踢到不同位置。
我踢香港隊的最深印象，應該是2006年世界盃亞洲區外圍賽，當時抽中和中國隊交手，我全部有份踢。當年中國隊主力是鄭智和李瑋鋒等，最記得是北上廣州那一場。(香港隊輸0：7，但因淨勝球差不及中國而出局，范俊業在比賽過程中撲出鄭智12碼，因此一戰成名。)
當年香港隊出線機會渺茫，但全隊人都好努力踢，要為香港出一分力，記得那時候黎Sir帶隊，他滿意那一屆香港隊的整體表現。那場比賽作客廣州很有打仗感覺(2004年11月17日，香港隊作客廣州0：7負中國)，因為中國隊正在爭出線，他們非常緊張。我們住的酒店包了一層樓，有保安在樓層門口把守，下令不可以走出酒店，要確保一切安全。平常也有機會離開酒店散步放鬆，但那一次完全沒有。
2004年進行的06世界盃外圍賽，潘文迪緊追鄭智。 受訪者提供圖片
范俊業在2004年的世界盃外圍賽鬥中國左飛右撲。 Getty圖片
已故的黎新祥教練帶領香港隊征戰多年。 資料圖片
Q. 歷來咁多個香港球星之中，自己最欣賞邊個，點解? 有份踢香港隊，你覺得咁至係有球星的身份嗎？
A. 踢香港隊等於球星? 可能香港市場比較細，好多人概念係咁。但其實好多球員無入選香港隊，但在所屬球會踢得好好，只是戰術運用不同未必可以成為港將，特別是前鋒、龍門位置更是非常難爭。至於中場，可能教練鍾意瘋搶型、有些教練喜歡用波型，都要看那一期的香港隊教練要求甚麼。
以前，球員會樹立形象，有個人特點讓人記憶深刻。好似和哥李健和，唔洗講，落底線出波，一定有呢樣。山度士，中場推波、踢法靈活，射波又好，這些都是他的特性。又好似阿雞羅繼華，技術好純熟，偉仔譚兆偉跑動、傳送及入楔埋門威力都好好，各有特色。現代球員平均化咗，每樣都有一些，但一定要有你個人特點，球迷先會記得起你。
長頭髮的李健和非常瀟灑，招牌菜是底線傳中。 受訪者相片
山度士的腳法和頭腦得到球迷欣賞。 資料圖片
Q. 除左香港隊之外，你最鍾意邊一支國家隊，點解咁欣賞對方?
A. 細個中意巴西，羅馬里奧，白必圖，卡富上一代的右閘(佐真奴)都係非常好睇的球星，近年就喜歡睇西班牙。羅馬里奧，我細細個就睇佢踢波，佢真係好好技術。禁區內，佢一攞波，對手mark佢唔到。鞋頭篤、快腳射，往往就有入波。
另一位欣賞的巴西球星是鄧加，自己出道時位置和他相同，他在這個位置真是處理得好好。後來他去了踢磐田山葉，我在南華和他同場踢過，他的長傳真是一流。
自己算好運氣，在不少外隊賽事都有上場，曼聯來咁多次香港，我現役時都有和他們踢過，他們真係好勁。巴塞隆拿來港，我踢愉園傑志聯隊有落場，亨利、恩尼斯達、朗拿甸奴都有交手。恩尼斯達又矮又好波，同場較量感覺更深刻。但最深印象都是「細哨」朗拿甸奴，看他熱身時動作好慢，好似不太犀利，但一落場「打真軍」時速度快好幾倍，完全追不到，可見每個球星的熱身和特性都是不同。
獨狼羅馬里奧的球技令潘文迪著迷。 Getty圖片
潘文迪曾和鄧加交手，他說這位球員的世界級球技值得欣賞。 Getty圖片
眾多球星之中，阿迪指細哨最不可思議，落場較量時真的大超班。 Getty圖片
阿迪曾經和曼聯名將傑斯交手。 受訪者提供圖片
最深印象是朗拿甸奴，潘文迪指同場更加感受到他的技術高超。 受訪者提供圖片
Q. 上屆世界盃外圍賽，兩次中港大戰，講下你自己最深刻的感受? 是否一定要同政治掛勾，大家先肯瘋狂地支持香港隊?
A. 上屆兩和中國，論戰果當然是好。但我自己覺得，要面對或者解決的問題，是本地球員青黃不接。用入籍兵不是錯事，但如果有一些位置，大家功能差不多，是否可以起用本地人踢呢？一，是讓他們爭取表現，二是讓人知道有華將都出到成績。當然，這些都要靠我們再做好青訓工作，培養年青球員抬頭。
至於政治和足球，問心我唔識政治，唔想評論。我一直認為搞體育應該簡單一點，唔想件事複雜咗，分化咗。大家支持香港足球，為球員打氣，盡量不牽涉政治入去，因為有政治加入實在太複雜。一心一意打氣，對體育、足球都正面一點。
2015年中港大戰，全城哄動。 資料圖片
資料圖片
資料圖片
Q. 今屆4支對手，伊朗、伊拉克、巴林、柬埔寨，你預期香港隊可以踢出點的成績，或者畀到咩表現球迷睇?
A. 今屆4隊，大家可能以為柬埔寨較差，事實不是想像中易打。(訪問時尚未比賽，最終香港作客和1：1) 今次抽了很多西亞球隊，我踢的年代都很少面對，這是新的挑戰，困難好多。成績上，我們不要期望得太好。
足總、教練又好，想改變一些事情，我覺得大家要畀一些時間支持他們去轉變。如果香港足球永遠只係諗返轉頭，咁係唔會有進步。
在我來看，我支持年青球員，一些新入選香港隊的球員。好似今屆省港盃，大家睇低一線，結果有新衝擊，有變化。我不抗拒入籍兵，但不要因此抹殺好的年青球員，希望年青球員爭氣，總而言之，大家加油！
晨曦年代最威水。 資料圖片
資料圖片
阿迪是港隊港聯常客。 資料圖片
效力南華時代經常捧盃。 受訪者提供圖片
晨曦時代主力中場。 受訪者提供圖片
2004/05球季，晨曦一度贏過五冠王。 受訪者提供圖片
時光飛逝，阿迪現為愉園董事。 愉園球迷Peter支持10年以上，開操日前來找老朋友潘文迪寒暄。 資料圖片
阿迪現為愉園董事。 資料圖片
資料圖片
愉園下場比賽是9月15日（周日）作客鬥標準流浪，下午2時30分在鄧肇堅運動場開賽。 資料圖片
拿起世界盃獎盃拍攝，阿迪想見到港隊越踢越好。本網記者攝
資料圖片
陳俊樂(16號)攻入香港隊在本屆世盃外第一個入球。 足總圖片
香港隊周二（9月10日）晚上8時在大球場鬥伊朗。 足總圖片
