【泰少足隊意外】導演極速煞科 《The Cave》真英雄演出重現救援時刻
算唔算係發災難財？
泰國清萊舊年六月嘅時候，一隊少年足球隊嘅十三位球員同教練被困山窿十八日，意外引起全球關注。最後所有人獲救，但係其一個有份救援嘅泰國海軍海豹突擊隊成員不幸犧牲。當時救援行動完成之後，就即刻傳出有人將今次嘅事件改編成電影。相隔一年，泰國導演Tom Waller飲頭啖湯，將今次救援行動改編成電影《The Cave》，劇組仲叫埋當年有參份參與救援嘅英雄做埋演員，力求重現當日救人經過。
網上圖片
《The Cave》講述喺2018年嘅清萊睡美人洞嘅救援事件，預期會喺下個月五號嘅釜山國際電影節首映，早前官方就公布左第一條嘅正式預告。
網上圖片
雖然導演Tom Waller係全球第一個成功改編呢件事嘅電影人，但係佢喺拍攝嘅時候就遇到唔少困難。Tom表示，泰國政府成立左審查委員，強力監控故事同相關人士嘅版權。當時Tom想聯絡返十三位被困嘅後生仔，但係委員會道然阻止導演同佢地見面。最後導演惟有將劇本改成以救援行動為故事重點。
網上圖片
好彩Tom Waller成功揾返當時有份救人嘅工作人員一齊拍攝，包括自比利時嘅潛水員Jim Warny、加拿大嘅Erik Brown、芬蘭嘅Mikko Paasi、中國嘅譚曉龍，令到電影更加貼近真實。而且導演仲揾到當時一直喺現報導嘅泰國記者Todd Ruiz，佢會喺電影入面做返記者。
網上圖片
除此之外，Netflix都成功喺泰國政府成立嘅電影公司「13 Thamluang」嘅手上成功收購改編版權。Netflix會改編做迷你劇，據聞將會由我的超豪男友》導演朱浩偉及《出貓特攻隊》泰國導演Nattawut "Baz" Poonpiriya一齊導演。Netflix官方表示，佢地公司非常重視泰國市場，期望今次改編救援事件可以令全球觀眾有共鳴。
網上圖片
今次嘅事件畀Netflix改編，十二位球員同教練可以得到七十七萬港紙嘅報酬，另外都會捐錢畀喺行動入面提供過支援嘅組織。到時大家可以比較下兩部唔同嘅改編作品，睇下有咩分別。
