譚嘉荃沙灘晒fit爆身材 落水抽筋獲「英雄救美」抱返上岸
落水前記得熱身~
前二人女子組合B2成員譚嘉荃（Amy）於2003年組合解散後，一直以獨立歌手身份發展；而為慶祝入行二十年，Amy將於九月舉行處女個唱。據悉，今次演唱會以勁歌熱舞為主題，所以必須有一定的肺活量，但向來不喜歡跑步練氣的她，惟有日日游水操體能。
夏日炎炎，出水芙蓉的Amy，難得為香港增添了一點涼意。（《東周刊》圖片）
據《東周刊》報道，，正值烈日當空之際，Amy一拖二，既有老拍檔漢洋又有閨蜜李國祥，到石澳曬日光浴兼傾演唱會細節，以及晒下fit爆的body。不過，期間樂極生悲，獨自游出浮台的Amy突然抽筋，要壯男漢洋英雄救美。
Amy落水前因為沒有做熱身，游了一會兒就腳抽筋，讓漢洋上演一幕英雄救美。（《東周刊》圖片）
救回岸邊後，漢洋為Amy按摩抽筋的小腿，非常貼心。（《東周刊》圖片）
Amy話想玩獨角獸浮牀，漢洋﹙右﹚二話不說立即去租借，逗得Amy非常開心。（《東周刊》圖片）
千禧年，Amy與郭可穎（Sandy）組成女子組合B2，可惜因公司人事關係，組合於2003年解散。家境富裕的Sandy，去了外國升學；而Amy則留在香港，以獨立歌手身份繼續發展，在樂壇漂漂浮浮了十二年後，她終遇上現時的經理人漢洋。而在漢洋的提攜下，Amy登台不絕，下月更會開自己的處女個人演唱會。
漢洋、譚嘉荃（資料圖片）
出道時，由於唱片公司勒令要Amy走性感跳舞路線，結果換來指指點點，並笑她們只是花瓶，所以獨立發展後，她都是以保守乖乖女形象示人。她曾憶述：「初入行，因為公司要我們做跳舞組合，行性感路線，我本身唔介意。不過，問題係原來形象性感，就等如唔識唱歌。我哋明明歌唱比賽出道，分別攞咗亞、季軍，我一直以為我哋有一定程度嘅歌唱技巧，點知有一次，同肥媽等人一齊為一個節目表演。肥媽睇到我喺台上表演後，驚訝咁走過嚟講，原來你識唱歌㗎？」
資料圖片
B2去年曾合體上《流行經典50年》。
更多娛樂消息，請看東周網：https://eastweek.my-magazine.me/main/entertainment
