《雙子任務：疊影危機》李安再次挑戰新技術 年輕可以彈返嚟！
唔係個個試新嘢都會成功架，《廉政風雲》就係例子。
最近由李安導演，韋史密夫主演嘅《雙子任務：疊影危機》就發布左製作花絮。事隔三年，李安再次挑戰新技術，繼上次嘅《比利·林恩的中場戰事》拍攝一秒120格高格數幀率之後，今次仍然係以高格數拍攝。不過難度會更大，就係要重現23歲嘅韋史密夫。
網上圖片
因為人面係CGI最高難度最複雜嘅工作，連李安都表示一開頭其實都冇乜把握去做。李安同過百位嘅特效團隊由骨架、到一條毛都會來來回回不停咁做，所以話幾咁困難。
網上圖片
為左要後生版嘅韋史密夫更加逼真，李安同特效團隊睇左大量韋史密夫後生嗰陣嘅演出，了解佢每一個表情細節。李安講笑話連韋史密夫個阿媽都冇望過佢咁耐。
網上圖片
近年李安一直都喺技術人員上尋求突破，喺花絮入面佢表示咁樣係為左更深入探索電影嘅感情，佢話：「喺拍《少年Pi的奇幻漂流》嗰陣，我發現到數碼電影應該要更真實，要令觀眾有更強代入感，亦都更有人性。」
《雙子任務：疊影危機》將於十月十日喺香港上畫。
題外話，之前香港電影都想挑戰呢個「回復年輕」嘅新科技。諸君請睇《廉政風雲：煙幕》。
網上圖片
網上圖片
