《神探白朗：福比利大宅謀殺案》當007遇上美國隊長
美國隊長希望可以擺脫美國隊長嘅形象，呢部戲就係佢嘅轉形之作。
最新由「美國隊長」基斯伊雲斯、「007」丹尼爾基克主演嘅荷李活喜劇《神探白朗：福比利大宅謀殺案》，雖香港未確定上畫日期，但喺美國影評網站爛蕃茄拎到滿分評價。
網上圖片
《神探白朗：福比利大宅謀殺案》故事講述一個相當有錢嘅犯罪小說家Harlan Thrombrey無故喺屋企死左，所以就叫由丹尼爾飾演嘅偵探去調查。呢個小說家屋企有七個人，包括基斯伊雲斯、《月光光新慌慌》的珍美李寇蒂斯、《祖孽》東妮歌樂蒂、《黑殺令》當莊遜、《電流戰爭》米高沙朗等等。
網上圖片
小說家Harlan Thrombrey喺85歲生日嘅時候，請晒佢嘅屋企人去佢個豪宅開party，一家團聚。但喺party其間，屋企發現佢死左，所以就叫左丹尼爾去幫手查案。偵探片經典套路，當然係所有人都係疑犯。導演Rian Johnson嘅出道作係《追兇》（Brick），暫別星戰系列，回到起點拍返懸疑推理題材。
網上圖片
今次基斯伊雲斯就想正式告別「美國隊長」嘅影子，今次嘅角色應該係同佢本人都係咁上近，形象無賴，瘋狂爆粗。之前佢Marvel總裁奇雲費治大讚正直嗰陣，佢即劇刻恥笑另外兩個Chris「雷神」基斯咸士禾夫、「星爵」基斯柏特係「Loser」。早前基斯伊雲斯接受《Variety》訪問就話因為唔係成有得做卑鄙嘅角色，所以覺得好過癮。
網上圖片
