《美國怪談》第九季轉走80年風格換埋主角 觀眾仲會唔會驚？
換左啲新演員入嚟，轉埋風格係唔會令觀眾驚架。
《美國怪談》由2011年播出第一季，到而家已經播埋第八季，每季都大受好評，每季喺IMDB都拎到8分以上。每季都以唔同嘅恐怖故事做主題，例精神病院恐怖傳聞、獵奇故事、恐怖殺人。最近《美國怪談》第九季嘅預告已經正式發布，第九季將於九月十八日喺FX播出。今季嘅《美國怪談》似乎有別於過去風格，改以虐殺片為主題，經歷八季考驗嘅觀眾唔知仲會唔會驚呢？
網上圖片
《美國怪談》其中一個好處係盡量原班人馬演出，但係嚟到今季有主角辭演。早前就已經知道男主角Evan Peters唔會再做第九季，唔少劇迷已經好唔高興，但早前已經肯定其中一個女主角Sarah Paulson都唔會繼續做。即係話喺第九季唔會再見到兩位男女主角，難怪唔少追足八季嘅劇迷會驚唔習慣。少左兩個主角，未知會唔會影響到收視。
網上圖片
雖然視后Sarah Paulson唔再演出，但係今季都加入左幾位新面孔，希望可以帶畀觀眾有新鮮感。包括《吉列合唱團》嘅老師Matthew Morrison，仲有壯碩型男Gus Kenworthy。Gus係美國國隊滑雪選手，喺2014年嘅冬季奧運會贏埋銀牌，淨係靠樣貌同身材已經贏到唔少觀眾歡心。
網上圖片
第九季嘅劇名就叫《美國怪談：1984》，故事發生喺八十年代，一班後生仔約埋一齊喺暑假齊齊去野外營地渡假。但係不幸撞正殺人狂，成班主角逐個消失，個個死得勁慘。喺預告見到大量殺戮鏡頭，唔單止睇到唔少行凶場面，仲好多性感美女大叫嘅畫面，完全係致敬八十年代虐殺電影。睇預告嘅時候相信觀眾都會聯想到《奪命狂呼》、《德州電鋸殺人狂》、《猛鬼街》等等嘅砍劈殺電影，相信今季嘅《美國怪談》一定可以畀到最大嘅官能刺激。
網上圖片
