【新戲上畫】《老師．喪屍．小BB》大人細路齊齊怒劈喪屍
成部戲最大粒星就係女主角《我們．異》嘅雷碧達尼安高。
(註：因為香港版嘅預告冇中文字幕，所以選用台版預告片)
網上圖片
年中有唔少喪屍片，好難喺眾多作品突圍而出，今年《辛丹斯電影節：香港》首映嘅《老師．喪屍．小BB》就將主角設定成幼稚園BB！
網上圖片
《老師．喪屍．小BB》講述男主角Dave失戀，為治療情偒走去陪外甥參加幼稚園學校，喺旅途中遇到靚女老師Caroline。呢頭失戀嗰頭即刻用盡所有招數溝女，點知喺旅途中出現一大班喪屍。喺郊遊地點附近原來有個軍事基地實驗失敗，搞到一班喪屍襲擊人類。愛心老師為左要保護班幼稚園BB，想盡辦法唔畀佢地知道有喪屍出現，最後紙包唔住火，都要班BB幫手打喪屍。
網上圖片
其實時至今日，打喪屍已經唔再係大人專利，就連小朋友都知要點做。喺電影其中一幕講，MISS衝出去打喪屍之前，一班小朋友就提供建議教MISS對付喪屍，而且相當狼死。原來而家嘅BB個個都有打機，全部都知要點打喪屍。電影又得人驚又搞笑，一定會令觀眾覺得滿意。但係有份拍嘅小朋友就冇得睇戲喇，事關係三級片。
網上圖片
