林海峰楝篤笑借古諷今 時事話題不斷狂爆金句
你睇咗未？
資料圖片
林海峰（Jan）主演的《是但噏Happy Monday》楝篤笑於紅館正式揭幕，舞台以辦公室環境做設計，包括超巨型版飲水機、影印機、以及上班一族的一雙西褲皮鞋的大腳、搞笑的大香蕉皮，畫面有趣。
資料圖片
Jan大談打工仔心聲，相當緊貼時事的Jan亦以這幾個月香港發生的事做話題；更無懼媽咪、太太彭羚和兩個女兒在台下，照擺上枱暢談為自己「一家之主」的身份發聲！Jan更十八段武藝盡出的一人分飾多角似的，計扮上司、下屬、男女聲音外，更扮打乒乓球聲、滴水聲、甚至唱出日本商店歌；跳舞時又扭腰擰籮還出動一字馬，全晚笑聲不絕！
資料圖片
楝篤笑以講為主，Jan以不同環節與觀眾分享工作、家庭、時事，以及為人兒子、為人丈夫、為人父親的感受；當然更不乏精景金句。
初出芧蘆篇：
Jan以自己的第一份工做開場，表示十多歲時，作為待業青年得到見工的機會，立即請教一位前輩如何面試，並且憑前輩教路的一句話「Getting a job is just like getting married」求婚成功，找到人生第一份工；第二段婚姻更嫁得好好，由21歲做到現在52歲。被騙金錢是騙案，但部份打工仔係冤案，第一日返工就開始坐冤獄。
資料圖片
借古諷今篇：
Jan指年代不同，打工環境也不同，「以前就話『工作係恩賜、休息係放肆』，但今日變成『加班係恩賜、加薪係放肆』！今日Getting a job 唔等於getting married，你鍾意份工，份工未必鍾意，份工畀唔到幸福你，但畀到少少生活費你，所以今日搵到的大部份係『正衰工』，搞到婚姻生活不如意，現在『加人工幅度等如電車加速』，老細會話我哋講心唔講金。打工仔經常喊住話想放假，因為返工好辛苦，好似做人咁，所以放假好重要，但畀我揀，我會揀放監，因『放監唔使返去坐，放假就不過是放風』」。
資料圖片
Jan的其他金句還有「以前權力愈大責任愈大，現在係權力愈大隻鑊愈大」、「只係容許下面的人忍夠辭職，從來無上面的人引咎辭職」。
