《第一滴血：終極血戰》五大歷年經典造型 其實Rambo有樣嘢呃咗大家30年
把槍揸錯左都唔緊要啦，最緊要有型。
史泰龍嘅代表作《第一滴血》系列相當經典，今次新作第五集《第一滴血：終極血戰》同以前一樣都係打到開巷，同埋大家都會見返佢以前用過嘅武器。喺1982年嘅第一集《第一滴血》講述一個有PDSD嘅越戰退伍軍人，返到美國畀班唔讀書嘅黑警欺凌。搞到蘭保諗起畀北越士兵虐待嘅經歷，蘭保企起身反抗，要黑警血債血償。
網上圖片
之後嘅系列都係睇返蘭保以武制暴，浴血鋤奸。《第一滴血》系列已經有三十幾年，今次就同大家一齊回顧下蘭保用左邊幾款經典武器同造型：
1.Rambo刀
網上圖片
喺《第一滴血》系列最令人最深印象一定係Rambo刀。呢把刀個真名叫做Bowie knife，喺十九世紀嗰陣，由美國人James Bowie設計。Bowie係陸軍上校，每次打仗都會帶埋呢把刀，因為刀尖夠晒利，殺傷力強大。
2.弓箭
網上圖片
蘭保成日都會用弓箭殺死敵人，例如喺《第一滴血2》蘭保喺箭裝埋火藥，炸到越共連灰都見唔到。
3.頭巾
網上圖片
紅色頭巾絕對係最代表到蘭保嘅裝束，佢喺同敵人大戰之前都會戴埋呢條頭巾。喺《第一滴血2》入面蘭保愛上一個越南情報人員，但最後情人畀越共殺死。蘭保用左女仔嘅衫整左條頭巾，以作紀念。
4.火箭炮
網上圖片
火箭炮就咁睇都嚇死人，喺第四集嘅海報都見到蘭保嘅裝備配埋RPG-7火箭筒。
5.M60機槍
網上圖片
成個系列相信最經典嘅就係呢把M60，由《第一滴血》到新作《終極血戰》，M60經常大派用場。M60機槍火力極重，配埋腳架，畀人放喺地下度開槍。但係，其實史泰龍呃左觀眾三十幾年。美軍喺打越戰嗰陣規定嚴禁士兵拎起呢把M60開槍。因為就咁擺喺地下開槍，機關槍本身後座力已經好大，定住都已經好難，單手拎住就更加難。
網上圖片
不過，蘭保將成排子彈孭上身都係一個招牌造型，之後唔少戲都有模仿。
