《老友記》紅足25年 劇中主角個個發大財？
經典就係過左25年，劇迷一樣係會繼續不眠不休咁翻煲240集嘅《老友記》。
經典美劇《老友記》播出25周年，至今仍然大受歡迎，早前確認會喺Netflix下架，搞到唔少用戶都非常不滿。《老友記》咁多年以嚟都人氣高企，唔少劇迷翻睇又翻睇。但其實十季240集嘅劇情出現過唔少漏泂，拍緊嘅時候都有唔少趣事。
1.劇情漏洞
網上圖片
《老友記》足足播左十季，寫劇本嗰陣可能因為太大壓力，成日搞錯劇中六位主角嘅生日同歲數。例如Ross就連續三年29歲，喺第三、四季入面，佢自稱29歲。但去到第五季嘅時候，佢又話將會喺30歲前離婚兩次。另外，喺第一季嘅第一集， Rachel逃婚去左紐約揾Monica，然後再同一班老友互相介紹。但係隨住劇情發展，之後嘅劇情多次提到Rachel同Monica嘅中學友情，喺當時Ross與Chandler係大學生，即係大家一早互相認識，同第一集嘅劇情完全矛盾。
2.客串明星
網上圖片
《老友記》第一季極受歡迎，要揾明星客串一啲都唔難，劇組都成日叫返演員員嘅屋企人一齊粉墨登場。珍妮花安妮絲頓嗰陣嘅老公畢彼特、Matthew Perry個爸爸都有客串演出。
3.一班老友記發大財
網上圖片
當時六個主角都唔算係出名嘅演員，最後因為《老友記》成功令佢功聲價十倍。佢地唔單止喺最後兩季成功拎到一集一百萬美金片酬，仲令珍妮花安妮絲頓、麗莎古杜、歌翠妮葛絲成為最高片酬嘅電視女演員。因為劇集版權咁多年以嚟都大把電視台同串流平台爭住要，所以到左而家六個演員每年都仲分緊2千萬美金嘅版權費。
4.幕前幕後一樣咁老友
網上圖片
《老友記》講緊六個喺紐約夾租嘅故事，劇組為左令演員快啲變熟，可以有更自然嘅演出，所以就專登安排佢地每日開機之前短聚。而且喺現實生活，幾個演員由冇人識去到大紅大紫嘅歷程。一班台前幕後嘅工作人員甚至成日會搞星期五Pizza聚會，仲會出席埋大家嘅婚禮。
