六部年尾經典必睇續集 有The Rock、史泰龍同埋阿諾舒華
大家最期待邊套續集？
嚟到2019嘅下半年，荷李活不停推出經典電影嘅續集，某啲系列仲要係換全新人馬reboot，相信都吸引到唔少捧場客。
1.《第一滴血：終極血戰》
網上圖片
史泰龍成名系列作《第一滴血》嚟到第五集《終極血戰》，當年周身肌肉嘅史泰龍嚟到今集「收起性感」，以出色戰鬥技巧單挑墨西哥毒梟。
2.《黑魔后2》
網上圖片
安祖蓮娜祖莉職業生涯最賣座作品《黑魔后》即將推出續集，今次劇情講述黑魔后同睡美人因為結婚而反面。今次仲揾嚟天后米雪菲花飾未來親家，兩大荷李活天后同台大鬥演技。
3.《未來戰士：黑暗命運》
網上圖片
今次《未來戰士：黑暗命運》占士金馬倫只係負責故事同監製，由《死侍》系列導演添米勒執導。女主角蓮達咸美頓再度歸隊，同阿諾舒華辛力加一齊再現大銀幕。
4.《魔雪奇緣2》
網上圖片
相隔六年之後《魔雪奇緣》推出續集，今次劇情將會揭曉Anna、Elsa嘅父母失蹤之謎。
5.《逃出魔幻紀：叢林挑機》
網上圖片
上集全球票房斬獲利9.62億嘅《逃出魔幻紀》，今次續集《叢林挑機》都係原班人馬演出，有大隻佬有索女仲有搞笑諧笑，相信續集會再創佳績。
6.《星球大戰9》
網上圖片
《星球大戰》相信都唔需要再多介紹。
