Netflix節目《流行大百科》教你分清咩係X教咩係宗教
多啲自己用個腦諗嘢，唔好人云亦云，就唔會誤入歧途啦~
Netflix最近上架最新一季《流行大百科》，第一集就同觀眾一齊研究邪教點樣控制同引誘民眾，仲講埋點樣分辨邪教團體。
邪教三大共通點：
網上圖片
1. 邪家係講求個人崇拜，要求信徒當神一樣咁拜自己。
網上圖片
2. 邪教會有洗腦計劃。
網上圖片
3. 邪教嘅信徒會喺性同錢財方面受到剝削。
另外仲有學者提出用七大步驟去講解邪教點樣洗腦：
網上圖片
1. 對象係處於人生嘅十字路口，人喺脆弱嘅狀態會容易接受新嘢。
網上圖片
2.邪教會利用宣傳單張、廣告等等唔同嘅軟性推銷去揾對象，然後引佢地參加唔同嘅活動，之後再由其他信眾逼洗腦對象繼續參加邪教活動。
網上圖片
3. 邪教會將洗腦對象擺喺一個同外界隔絕嘅環境接受「新嘢」。
網上圖片
4. 邪教領導人會同洗腦對象接觸，建立關係。
網上圖片
5.邪教領導人會製在外在敵人，鞏固同信徒關係。
網上圖片
6.洗腦對象會因為其他信徒壓力而被逼崇拜邪教同邪教領導人。
網上圖片
7.洗腦對象會跟住領導人實行反社會自戀狂嘅行動。
網上圖片
有關第七個步驟，喺世界各地都出現過唔出名嘅例子，例如1995年由「奧姆真理教」發動、導致13人死亡的「東京地鐵沙林毒氣事件」。《流行大百科》就用左好長篇幅去講1978年「人民聖殿教」發動「鍾斯鎮大屠殺」，最後搞到近1000個人死左。
網上圖片
喺七十年代後期，「人民聖殿教」領導人占鍾斯帶近千個信徒去到南美洲國家圭亞那嘅叢林打造「鍾斯鎮」。領導人就話呢個鍾斯鎮係自給自足、冇暴力同種族主義嘅地方。不過有信徒嘅屋企人就揾政府幫手，指占鍾斯向信徒洗腦，同埋有搞「集體自殺模擬排練」。於是加州眾議員李奧賴恩就飛去圭亞那調查呢件事。當李奧結束調查準備返美國嗰陣，有「人民聖殿教」嘅信徒就開槍殺死佢同三個隨行人員，加埋一個想離開鍾斯鎮嘅信徒。
網上圖片
領導人占鍾斯知道左呢件事之後決定要「平靜死去」，佢喺1978年11月18日領導人發動「革命性自殺」，多達918名死者。大部份信徒係服毒自殺，有啲就畀人開槍打死。領導人嘅屍體就瞓喺張櫈仔隔離，驗屍之後發現致命傷係左邊太陽穴嘅槍傷。
網上圖片
節目仲指出好多以為今時今日邪教已經絕跡，但其實邪教變左新形式繼續生存。唔少邪教睇中現代人鍾意用社交平台，所以利用網絡攻勢，而第一代成功彈起嘅領導人就係三十五歲嘅領導人Teal Swan。佢用網上短片傳播一大堆古怪思想，例如「自殺其實就撳左重新設定嘅制咁，本身有話好壞之分」。Teal Swan就堅決否認自己係邪教領導人。但係佢又話自己係「組成邪教嘅完美方程式」、「呢啲人絕望至極，佢地需要我認同，無論我講乜都好，佢地都會照做」。睇返Teal Swan嘅YouTube頻道有成62萬個人follow，短片主題由社交到育兒，再到提升自我，咩片都有。
