張繼聰拍戲首次被人威迫「下海」 可以近距離欣賞古仔英姿都抵
「雖然係佢逼我跳落去，不過我冇嬲佢。」
由爾冬陞監製，馮志強編導，古天樂、張繼聰、宣萱和顏卓靈主演的懸疑電影《犯罪現場》，將於10月24日在香港上映。當中一場戲講述張繼聰在馬灣被古天樂威迫「下海」，獻上張繼聰從影後首次跳海戲，雖然衛生環境欠佳，但他表示這是自己一個演藝生涯的里程碑。他更搞笑地說，因為是古天樂逼他跳下去，所以自己沒有生氣，而且可以近距離欣賞到古仔的英姿覺得非常值得。
張繼聰在馬灣被古天樂威迫「下海」。
拍攝當日天氣相當「翳焗」，現場所見所跳的水域非常混濁，更不時有排泄物飄過，但阿聰非常敬業，沒半句怒言，就跳入海中。拍攝期間喝了不少又咸又濁的海水，但上水後他一臉正經地說：「我今日征服咗呢一帶嘅海域，完全係浸淫同擁抱呢個大自然嘅質感裏面。」他感謝導演在炎炎夏日為自己安排了一場透心涼的落水戲，並表示：「每個出色嘅演員都有演過跳海戲，所以我算係完成咗個心願！」
張繼聰
張繼聰
張繼聰
張繼聰
至於同偶像古天樂演對手戲，阿聰流露出幸福的神情笑言：「可以近距離欣賞到古天樂喺快艇上嘅英姿，令到我有一刻真係開心到想跳舞，雖然係佢逼我跳落去，不過我冇嬲佢。」鬼馬的張繼聰浸在海水期間搞笑地跳韻律泳。
張繼聰
張繼聰
面對阿聰的主動「寬恕」，古仔笑住回應：「嗰場戲係導演寫佢跳落海，唔係我叫喎！我只係跟住劇本去演繹。」古仔本來很關心阿聰跳海時的安危，但回憶起當時拍攝情況卻忍不住失笑：「一開始始終都會擔心嘅，點知佢一跳落去可以企喺到，原來嗰到好淺水，佢大半個身係水面。」這場戲需要古仔開快艇離開，他坦言都有一定的難度以及危險度：「因為要我一下子將架快艇加速，咁隻船會好『擺』，有機會撞到阿聰，加上我又要就個航拍鏡頭，所以都幾深刻。」
古天樂
