《星際任務》踢爆月球背面有外星人？ 連霍金都叫人唔好登月？
求下你哋唔好再騷擾外星人係月球背面休息啦~
網上圖片
荷李活電影人似乎對登月題材相當有興趣，事關繼《登月第一人》（First Man）之後，今年再有畢彼特（Brad Pitt）主演嘅《星際任務》（Ad Astra）。電影講述畢彼特個老竇喺廿年前去左海王星，但最後行動失敗搞到返唔到地球。畢竹彼大個左之後決定要上太空尋親，仲要拯救埋地球。《星際任務》除左有出色嘅特效、高科技設定之外，相信唔少人都會好關心故事入面月球背面嘅傳聞，特別係電影提到嘅「外星智慧生物」。
網上圖片
喺電影入面，畢彼特要上月球背面，之後先再去火星。但係途中遇到太空海盜，生死一線。現實嚟講，月球就一定冇海盜，但係成日都有傳聞指有外星人。
月球受地球引力牽扯，圍住地球轉左45億年，月球嘅自轉同公轉嘅速度係一樣，大約28日就會圍住地球轉左一圈。換言之，即係地球係一直都係以同一面對住地球，因為喺地球係睇唔到另外嗰一面，咁所以就認為係「月球背面」。喺50年末期，前蘇聯嘅月球3號嘅無人探測器影到月球背面，史上首次展示喺世人面前。
網上圖片
太空人形容月球背面係有凹痕嘅泥沙堆，睇起上嚟其實冇乜特別。但因為月球會遮無線電訊號，所以通訊備喺月球背面好難運作，搞到更加神秘。因為以前嘅人對於月球背面嘅認知唔多，搞到有好多相關嘅都市傳說：傳說當年阿波羅17號返到地球之後，美國突然中止登月計畫，係因為當年太空人喺月球背面見到不明飛行物體，疑似發現外星文明；仲有傳說指曾經喺月球背面出現左一架二戰轟炸機，之後飛機又離奇消失。
網上圖片
呢啲傳聞水份極高，就好似有人話地球係平嘅一樣，但係好多人都係信到十足十，後來正式證實左係假消息，但係一眾市民仍然代代口耳相傳。例如英國傳奇物理學家霍金都話月球背面有外星人，警告人類唔好再登月。咁隨住人類多次成功登月，呢單都市傳說自然變左笑話。
