《末世列車》劇集版公佈動畫序幕 有錢人去到邊都仲係有錢人
凡人要靠自己爭取先會得到公平。
網上圖片
韓國導演奉俊昊喺2013年改編法國同名漫畫《末世列車》（Snowpiercer）成功打入荷李活，雖然當時因為維斯坦影業嘅發行策略失當而搞到出現唔少問題，但最後都得到唔少好評。喺2015年嗰陣，都要改編做劇集嘅計畫，經歷重重難關之後，喺今年夏天終於公布第一條預告，最近喺紐約動漫展期間都公開埋第一條以動畫呈現嘅「序幕」前導短片。
網上圖片
《末世列車》劇集設定喺地球變成冰原嘅六年幾之後，死剩嘅人類住喺一架有1001節車卡嘅火車，而且不停地環繞住地球行駛。喺序幕嘅片段見到，因為科學家想逆轉 21世紀嘅氣候失常而搞到有咁嘅災難，但最後搞到成個地球變左個雪球。而唔好彩嘅人同埋窮人，仲會因為爭上車而被保安殺死。
主演包括 ：Jennifer Connelly、Daveed Diggs、Mickey Sumner，劇集就由《複製人》（Orphan Black）主創班底創作劇本，預計2020年春天首播。
網上圖片
