【劇透慎入】《JOKER小丑》十個有趣彩蛋 不斷向經典致敬
絕對值得推介嘅佳作！
1.英國著名喜劇演員Bob Monkhouse
網上圖片
喺Arthur Fleck未做小丑之前，其最令人印象深刻嘅一幕就係佢上台表演楝篤笑，佢嘅笑話係：When I was a little boy and told people I was going to be comedian, everyone laughed at me. Well no one’s laughing now. 其實呢句對白係致敬英國喜劇演員Bob Monkhouse嘅金句：People used to laugh at me when I said I wanted to be a comedian. Well they're not laughing now.
網上圖片
Bob Monkhouse
Bob Monkhouse
2.馬田史高西斯經典作：《喜劇之王》
網上圖片
原本馬田史高西斯係《JOKER小丑》嘅監製，後來因為佢要新作《愛爾蘭人》所以就辭職，不過我地仍然見到呢部戲受到唔少史高西斯作品嘅影響。喺《喜劇之王》入面，羅拔狄尼路飾演一個精神有問題嘅喜劇演員，當時佢當戲中嘅電視節目主持Jerry Langford係偶像。喺《JOKER小丑》，Arthur Fleck就當羅拔狄尼路飾演嘅Murray Franklin為偶像，同《喜劇之王》好似。
3.馬田史高西斯經典作：《的士司機》
喺《JOKER小丑》入面其中一幕講Arthur Fleck喺屋企亂咁舞支手槍，同《的士司機》嘅「You talking to me?」嘅經典一幕好相似。
4.Deborah Kane
網上圖片
喺戲中嘅社福機構輔導員個名叫Deborah Kane，相信係要致敬蝙蝠俠嘅作者兼漫畫家Bob Kane。
5.《凶綫》(BLOW OUT)、《孖生劍俠》(ZORRO: THE GAY BLADE)
網上圖片
葛咸城發生騷動之後，湯瑪士韋恩一家人行出戲院，之後畀人殺死，係呢個時候畫面見到戲院廣告招牌有《凶綫》同《孖生劍俠》兩套戲嘅海報。呢兩部戲出現喺電影嘅作用，除暗示畀觀眾聽電影世界嘅故事係發生喺八十年代，而且仲延續湯瑪士韋恩喺唔同故事版本嘅死法，佢都係睇完《神鞭大俠》(ZORRO)之後先畀人殺死。亦都解釋埋，點解布斯韋恩大個左之後解要蒙面鋤奸。
6.Arkham Asylum
網上圖片
喺電影入面Arthur去左Arkham State Hospital調查，發現自己唔係湯瑪士韋恩個仔，只係佢阿媽有妄想症發作亂咁講，仲要發現自己原來係領養，個嗰陣阿媽就由得男朋友虐待自己，打到個腦受創傷，大個左之後就成日失控係咁笑。喺戲中Arkham State Hospital，相信係以《蝙蝠俠》漫畫Arkham Asylum為藍本。
7.管家阿福、韋恩少爺
網上圖片
喺戲中Arthur揾布斯韋恩，呢個時候有保安出嚟諗住趕走佢，點知Arthur幾乎捏死佢。最後睇返片尾credit，原來呢個保安就係阿福。
8.Batpole
網上圖片
喺同一幕之中，當Arthur叫韋恩埋去嗰陣，佢喺遊樂場玩玩下嗰陣就喺條桿度瀡落地，呢度其實係參考左蝙蝠洞入面嘅Batpole。
9.希夫烈治
網上圖片
喺葛咸城嘅騷動之後，小丑畀差人捉左，被押上警車嘅途中就畀人攔截救走。最後佢企喺架車度，接受群眾歡呼。喺呢一幕佢將鮮血搽喺面同埋嘴唇度，令人諗起希夫烈治飾演嘅小丑造型。
10.《摩登時代》
網上圖片
喺Arthur偷入戲院嗰幕，銀幕播緊差利卓別靈嘅《摩登時代》。電影就同《摩登時代》嘅劇情互相呼應，《摩登時代》以喜劇形式包裝講述工人階級受到資產主義剝削，而喺《JOKER小丑》嘅劇情而論就係真實上演緊。
