十部秋季日劇推薦 (下)：藤岡靛演繹令和時代福爾摩新
又有排煲劇。
6.《晴～總合商社之女》 (10/21首播)
網上圖片
憑住《花樣奇緣》成為為日本影后嘅中谷美紀，主演嘅《仁醫》、《熟女求結婚》都成為話題之作。呢次再度同藤木直人拍擋，主演劇集《晴～總合商社之女～》，飾演商界強人兼單親媽媽，去到日本企業搞大改革，令相當期待中谷美紀今次嘅演出。
7.《我的話很長》(10/12 首播)
網上圖片
因為《花樣少年少女》、《無間雙龍》而彈起嘅生田斗真，事隔四年之再次擔正劇集《我的話很長》。今次決心轉型唔再做型男，飾演一個長年失業嘅三十一歲廢柴男，一直伸手問阿媽拎錢，仲成日滿口歪理去狡辯。但係，有一日佢家姐搬去佢屋住，令到佢嘅廢人生活泛起漣漪。
8.《同期的櫻》(10/9 首播)
網上圖片
高畑充希因為之前主演嘅《過度保護的加穗子》而受到注目，新劇《同期的櫻》以原班人馬創作劇集。故事係講唔理人諗乜，堅持自己嘅女主角，喺大公司打工十年嘅經歷。近年好多日劇都以批判傳統日本職場文化做主題，今次高畑充希喺劇集入面要打破職場上必要無底線迎合其他人嘅規矩。希望呢部劇集可以好似之前《我要準時下班》一樣有話題。
9.《前男友狂》
網上圖片
《前男友狂》係改編自同名少女漫畫，新木優子同高良健吾合演。故事講述新木優子係個成日放唔低前男友嘅OL，成日幻想同佢傾偈，但係有一日，前男變成佢嘅同事。有靚女又有靚仔，加上套劇又係喜劇，應該都會多人鍾意。
10.《Sherlock》
網上圖片
喺香港出道嘅藤岡靛，之前因為主演劇集《請與廢柴的我談戀愛》，今次同新生代偶像岩田剛典主演《Sherlock》，分別飾演福爾摩斯同華生。雖然多年嚟都有唔同經典版本嘅福爾摩斯，但係今次故事搬到令和時代嘅日本，必定另有新意。
