死侍突襲Marvel Studios 唔通要拍第三集 ?
《死侍》有機會成為迪士尼第一部限制級電影。
網上圖片
迪士尼成功收購霍士之後，《變種特攻》同《死侍》嘅版權就成功返到Marvel Studios。相信所有影迷都好想見到佢地喺MCU作品入面現身，但係官方一路都未有聲氣。但係早前「死侍」賴恩雷諾士喺社交媒體發上載左一張喺Marvel Studios總部嘅相，係唔係代表Marvel Studios 要開始籌備《死侍》第三集？
網上圖片
「死侍」賴恩雷諾士其實一直喺社交媒體都好活躍，例如成日同「狼人」曉治積曼講笑，早前佢又喺網上發表驚人消息，佢上傳一張喺Marvel Studios嘅相，仲話自己去試鏡做「Anthony Stark」。佢仲喺post仲寫：「我仲未行埋去，就已經有個拎住電槍嘅暖男保護我返去樓下。」Anthony Stark其實就係「鐵甲奇俠」東尼史達嘅原名，咁唔怪得賴恩雷諾士會畀人「保護」返落樓，原來係做錯角色。
網上圖片
雖然雷諾士冇講明今次去Marvel Studios做咩，但係好多FANS都認定今次Marvel Studios係準備《死侍3》，佢上門係初步傾下要點搞部戲。迪士尼主席Bob Iger曾經提過，就算死侍加入左MCU，仍然有機會係R級（限制級）電影。《死侍》系列編劇Paul Wernick都講明，主創人員都希望MCU可以畀《死侍》繼續發展R級宇宙。
網上圖片
