黃秋生林嘉欣主演《死因無可疑》 年尾檔期港產片大亂鬥
《殭屍》對白：有時候真實人生比電影更荒謬。
網上圖片
嚟到年尾，可能本地電影公司想搏拎金像獎，所以由十月開就有幾部香港電影陸續上畫，包括《獅子山上》、《失蹤》、《再見UFO》、《死因無可疑》。今次就介紹下嚟緊上映嘅港產片：
1.《死因無可疑》
（上映日期︰暫定12月5日）
三屆影帝黃秋生終於開到新戲，今次就同林嘉欣飾演兩公婆，其實《死因無可疑》喺舊年年尾已經拍緊，到今年年頭就推出前導預告，呢排香港警察成日都講呢句嘢，相信會令到電影成為熱話。《死因無可疑》雖然都係關於「被自殺」嘅故事，不過題材係呃保險。
《死因無可疑》故事講述保險經紀葉永信（陳家樂 飾）受到神秘客戶指定要跟份保單，上門見客嗰陣見到客戶個仔吊死左，所以就覺得呢個神秘客戶為左呃保險而謀殺個仔，於是決心要向朱重德（黃秋生 飾）同沈子玲（林嘉欣 飾）夫婦查出真相。但越接近真相嘅時候，危機亦同時逼近。
2.《獅子山上》
（上映日期︰11月14日）
《獅子山上》改編自真人真事，「香港包山王」攀石亞洲冠軍黎志偉，因為撞車而半身不遂，原本以為人生就咁玩完，點知意外之後好似有超能力咁樣，可以睇到其他人變成唔到嘅動物，令自己踏上神奇復健歷程，重新振作。
網上圖片
包山王喺現實之中遇到意外之後冇放棄自己，仲不斷分享重生經歷去鼓勵其他人，喺2014年獲選為十大傑青，2016年由40個隊友協助之下，成功坐住輪椅攀上獅子山頂峰。
3.《失蹤》
（上映日期︰11月14日）
網上圖片
鍾欣潼主演嘅《失蹤》又係改編真人真事，以2005年一個休班差人失蹤案為藍本，一班主角去到西貢調查，意外入到結界嘅故事。同名網絡小説喺2016年開始連載，自今累計有過千萬次瀏覽量。
4.《再見UFO》
（上映日期︰12月26日）
網上圖片
故事以八十年代，華富邨出現UFO嘅都市傳說為背景，電影由蔡卓妍、徐天佑同黃又南主演。電影講述三位喺華富邨成長嘅主角同見證過UFO，同埋之後嘅成長故事。電影仲要有大師吳宇森監製，相信有質素保證。
