《昆頓塔倫天奴︰鬼才的血與夢》解開碟鋪打工仔成為大導演之謎
荷里活係個機會均等嘅地方，只有創意就可以一炮而紅。
荷里活鬼才導演昆頓塔倫天奴，出道以嚟每部作品都引嚟全球熱話，無論係《危險人物》、《標殺令》或者係近作《從前，有個荷里活》都冇令影迷失望，咁到底昔日一個碟鋪打工仔點樣變成殿堂級大導？月尾上畫嘅紀錄片昆頓塔倫天奴︰鬼才的血與夢》，將會解開鬼才之謎，揭開不為人迷嘅一面。
網上圖片
喺28年前塔倫天奴憑住《落水狗》一炮而紅，之後嘅《危險人物》、《危險關係》、《標殺令》等等作品都造成極大迴響，獨特嘅電影風格令某啲人認為佢係自法國新浪潮第一個發圍嘅導演。
網上圖片
出晒名係影痴嘅塔倫天奴，雖然熱愛電影，但係就一早決定成世人只會拍十部電影，等自己喺事業顛峰嘅時候急流勇退，保住鬼才個朵。究竟一個碟鋪打工仔點樣變成大導演？
網上圖片
呢部紀錄片將會揭開鬼才嘅電影世界，分析八部電影同埋佢嘅創作靈感，紀錄片團隊仲揾左塔倫天奴合作左好耐嘅台前幕後嚟訪問，包括：添羅夫、森姆積遜、卻羅素、珍妮花積遜李。
網上圖片
