【Watchmen】漫畫癲才Alan Moore抗拒被翻拍作品 歷年神作一覽
癲才有樣睇！
網上圖片
《Watchmen》作者Alan Moore今年65歲，係一位英國作家，被譽為漫畫界鬼才，喺七十年代嗰陣已經幫地下另類雜誌寫稿，後來DC Comics睇中佢，成為第一個英國作家創作美國漫畫故事，佢最鍾意喺作品入面探討探嚴肅主題同埋解構超級英雄。
網上圖片
雖然佢嘅代表作《V煞》、《來自地獄》同埋《保衞奇俠》都翻拍過做電影，但係Alan 其實一直都反對佢嘅作品改編成電影或者電視劇，因為佢覺得時間框架之下嘅影像只會限制觀眾對佢作品嘅想像，佢唔係口講反對咁簡單，佢將改編所得嘅版稅收入全部讓畀相關作品嘅漫畫家。
網上圖片
講到Alan Moore嘅代表作，除左有影響多部蝙蝠俠電影同埋《Joker小丑》嘅《Batman: The Killing Joke》，仲有幾部殿堂級作品。
《Watchmen》1986
網上圖片
Graphic novel同英雄漫畫嘅神作，由畫格佈局、分鏡、故事轉折、細節、畫中畫故事線到每個角色嘅描寫都深刻獨到，故事包含唔同類型嘅元素：懸疑、偵探、愛情、倫理、科幻、史詩，係美國漫畫史嘅重要代表作。
《V For Vendetta》1982
網上圖片
一個極權政府以「國家安全」為理由而推行高壓統治，以警察政府去壓制人民。無政府主義革命者V挺身而出，帶頭推翻暴政，說服人民當家作主。
《From Hell》1989
網上圖片
以維多利亞時代未期嘅連環殺人案，開膛手傑克為故事背景嘅恐怖暴力漫畫，Alan Moore喺呢部作品預言左時代大劫，觀察過去、現在同未來，仲會深入探討核戰、希特拉、猶太復國主義等等嘅議題。
《Swamp Thing》1984
網上圖片
Alan Moore喺呢部作品改變左超級英雄漫畫嘅定義，故事講述一個科學家意外變成左一隻沼澤怪物，沼澤嘅力量亦都隨之而湧出。呢部經典DC Comics作品，喺今年年頭都改編成十集美劇。
