《喪屍樂園：連環屍殺》解畫十大對付喪屍金科玉律？
雖然可能用唔著，不過學多樣嘢都無妨……
由《毒魔》導演魯賓費利沙執導、愛瑪史東（Emma Stone）、活地夏里遜（Woodrow Harrelson）原班人馬主演嘅續集《喪屍樂園：連環屍殺》（Zombieland: Double Tap）日前終於上畫，未知可唔可以憾贏近年喪屍話題作《屍殺列車》同《屍殺片場》呢？
網上圖片
喺《喪屍樂園：連環屍殺》入面，主角之一嘅（Jesse Eisenberg）就訂立多項守則，用嚟應對「如果見到喪屍點算好？」同埋「點樣喺充滿喪屍嘅地方生活？」，戲中嘅守則多達49項，今次就精選其中十項畀大家參考下，以備不時之需。
1. 要有良好體能
網上圖片
喺戲中謝西艾辛堡不強調要有強健體能就一定要做帶氧運動，入場睇戲就知係咩運動。如果見到喪屍，但手頭又冇武器，就一定要走佬，因為喪屍手腳唔協調，又走得唔快，如果撞到電影入面最廢嘅「Homers」，走人係最好嘅方法。
2.連擊（Double Tap）
網上圖片
拎住武器嚟講，相對嚟講係比較安全，對住喪屍打手打腳最多都係令佢地行慢啲，當然打佢地嘅心臟同其他五臟六俯都冇用，一定要打頭先可以殺死喪屍，而且仲要打兩槍，確保真係死左。
3.記得去商場補給
網上圖片
喺戲入面，成班主角想去商場補給，大家仲喺嗰度撞到素兒德芝（Zoey Deutch）。通常嘅情況之下，超市嘅米、麵、水係基本補給食品，可能一早會畀人掃晒，其實罐頭先係最方便儲存嘅糧食。仲有刀、日用品、藥物都係重要嘅物資，去商場拎補給之前最好寫低要咩先，費事到時唔記得。
4.着厚衫
網上圖片
最好着返件厚衫，因為皮膚外露會畀喪屍咬到。
5.輕裝上陣
網上圖片
行動時一定要輕便為主，方便郁動，否則就會好似素兒德芝畀人掉晒啲行李。
6.住得越高越好
網上圖片
住得越高就越容易將握附近嘅情況，如果住喺高樓大廈，越近天台就越好，因為有起事上嚟，直升機嚟到都可以第一時間上機走人。
7.封死門窗
網上圖片
如果揾到安全嘅地方，一定畏將門窗封死，例如用重嘢頂住度門，以防大量喪屍龍擊。
8. 唔好留長髮、着高踭鞋
網上圖片
為左方便逃生，不論男女最好都剪返短頭髮，同埋千祈唔好着高踭鞋，絕對阻住逃生。
9. 隨身帶備發光物品
網上圖片
因為喪屍對火光特別敏感，喺危急關頭可以用嚟引開喪屍，或者殺晒佢地。
10. 武器
網上圖片
最緊一定係武器，有咩就帶咩，同埋唔係淨係得槍先可以做武器，例如活地夏里遜會用鐵筆同喪屍埋身肉搏。
