【咒怨重臨】 荷李活再度翻拍經典《咒怨》 明年1月上畫
據聞唔少觀眾睇完《咒怨》之後唔敢洗頭、唔敢瞓覺、去廁所唔敢照鏡。
2003由恐怖大師清水崇執導嘅《咒怨》成為一代經典恐怖片，喺2004年翻拍荷李活版《不死咒怨》，今次由《蜘蛛俠》系列、《鬼玩人》導演森雷米（Samuel Raimi）監製最新重拍版《咒怨》（The Grudge），由《人肉搜尋
》（Searching）趙約翰主演。
網上圖片
喺預告都睇到，今次新版劇情仍然係冤魂母子化成厲鬼鎮守凶宅，每個行入間屋嘅人都會被惡靈纏身，洗頭撞鬼嘅經典情節都會繼續出現。
網上圖片
其實《咒怨》已經畀人翻拍多次，只有頭兩集《咒怨》先係清水崇執導，多部翻拍嘅續集都口碑麻麻。喺2015、2016年，日本呢兩年翻拍左《咒怨：最終章》同埋《貞子vs伽椰子》，呢兩部作品其實同喜劇冇乜分別。
網上圖片
最近恐怖片開始又重新流行返，所以唔少電影公司都爭住開拍恐怖片，今次就選擇重拍經典作《咒怨》。雖然揾左2004年版本《不死咒怨》嘅大導演森雷米做監製，但係原本新版《咒怨》計劃喺今6月上畫，但係而家官方就延期去到出年1月先上。可能係想完美重現恐怖經典，唔想令影迷失望。
