【跑 · 動】一齊跑下，動下
分享運動點滴，一齊跑動起來！
大家好，我係Norman，社創項目Run For Good嘅創辦人，感謝邀請，小弟將會響度不定期分享一下作為運動人/活動搞手嘅點點滴滴！個blog叫「跑·動」，原因係：
- 我鍾意跑
- 我鐘意唔同形式嘅運動
- 我深信，只要你肯郁，你會令身邊嘅人一齊動起來
所以，希望透過我嘅小小分享，令大家一齊跑下，動下。
從中學開始，我跟其他青春期的叛逆男生一樣，到處找尋方法發洩過盛的精力，當其他男生絞盡腦汁去令對面的女孩看過來，鵪鶉的我則選擇了較受女生歡迎的球類運動 -- 排球。原因除了可以讓鵪鶉和鳳凰有一刹那的親近外，更因為小弟喜歡競賽。那種不服輸再練習再挑戰終於贏的過程真的很迷人。
我很幸運，於中五已經加入甲一球隊寧逸，更於後期勇奪全港錦標賽季軍，作為整個甲一平均身高最矮的一隊（當時冠軍南華正選最矮的球員已比我們整隊都要高！），都算有所交代。
當時最討厭跑步的我，每每在體能環節「渣流灘」，估唔到往後竟然和跑步結上不解緣。更加意想不到嘅係，由一開始10K都抽筋嘅我，竟然一跑十二年，更加有機會踏足UTMB及PTL等世界級賽事，以及自虐地自砌320KM由東到西橫渡日本。最後仲因為跑步建立社創項目「Run For Good」。所以，運動，除咗帶來健康，其實仲令人生更加豐富。
下次開始，我會同大家分享我呢個跑得慢唔夠快冇速度嘅跑手，點樣跌跌撞撞負負碌碌咁參與唔同嘅跑步或者其他嘅體育比賽，希望可以令大家跑 · 動起來！下次見！
【作者簡介】
Norman
Run For Good 創辦人，退役運動員，前外展教練，現在是跑得慢唔夠快冇速度的跑手一名。
