皮褸+豹紋連身裙夜戰老蘭 馮盈盈「戰鬥look」變性感Icon
拍戲而已，唔使咁激動⋯⋯
25歲嘅前港姐冠軍馮盈盈，早排同人夫張頴康在《解決師》中濕身肉搏兼激咀trailer播出後，引起觀眾嘩然！因為劇情需要，坦言可以去到盡的盈盈，日前晚上在中環蘭桂坊再度上演香艷一幕。盈盈和陳展鵬為劉家豪監製的無綫新劇《逆天奇案》拍外景，見女方穿上貼身裙谷出33C「Y形胸」，化身夜蒲女，拍打戲時雙峰激盪，小心流鼻血呀！
夜蒲打扮嘅盈盈夾出4吋深溝，加上白滑長腿，極度養眼。
據《頭條日報》獨家報道，去年大熱奪得「飛躍進步女藝員」的馮盈盈，近年人氣高企，全因呢位16年港姐冠軍直腸直肚、性情夠真不造作，又不時在其主持的代表作《#後生仔傾吓偈》中驚爆金句，好得宅男歡心。不過現實中，呢位前港大校花一早封盤，同十優狀元兼醫生男友鍾文浩（Martin寶寶）拍拖幾年，月前更一齊買樓同居。
盈盈繼《解決師》中火辣啜爆張頴康後，近日再突破戲路，在新劇《逆天奇案》中扮演美艷黑客Ana，造型性感，仲勁多異性埋身添。日前晚上，盈盈和拍檔陳展鵬現身中環蘭桂坊拍攝外景。當日劇情講述一身夜蒲打扮嘅索女盈盈帶醉截的士，卻被急色外籍男夾上私家車毛手毛腳，醉態的盈盈仍奮力掙脫，落車後狂踢賤男下體，同時飾演高級督察嘅陳展鵬man爆現身相救。
見盈盈着上谷胸裙埋位，舉手投足夾出4吋深溝，極度養眼。性感上陣嘅盈盈拍攝時好放，同外籍男糾纏時雙峰凸出，又狂踢賤男下體，露出打底黑褲。3 take過後，盈盈緊張睇playback，當導演收貨時才識得笑，再與陳展鵬拍埋場對手戲。
唔敢做性感女神
其後，記者上前採訪，大讚盈盈造型sexy，有胸有腿好索，又被途人猛有無尷尬？盈盈笑笑口說：「多謝大家讚我，其實呢個造型都係劇情需要，只要出嚟效果靚，我會豁出去做嘅。(同男友備案？)唔使，男友唔過問。(連番性感演出，係咪想做新一代性感女神？)嘩！唔敢當亦都擔唔起呀！哈哈！對我嚟講性感嘅定義係唔使好暴露，身材要有線條，令人感覺到身材緊致，好似有少少腹肌啦！我都努力做緊gym㗎！」
盈盈七情上面打人，又起飛腳等，演出逼真。
參選時報稱三圍31、22、33.5嘅盈盈，日前赴加拿大拍攝節目《#後生仔傾吓偈》，谷胸派福利。
陳展鵬休息時同愛妻單文柔報到。
日前，馮盈盈和張頴康喺《解決師》中浴室濕身肉搏又激咀嘅預告驚爆曝光，成城中熱話。
盈盈和醫生男友鍾文浩感情穩定，日前更同居。
