【Susan一巴星落Yuki】《忍者亂太郎》結束連載 重温八大童年回憶
【年經】 點解Susan要一巴星落Yuki度 ?
《忍者亂太郎》將會喺今年十一月三十號發售最後一期漫畫，作者尼子騷兵衛因為健康問題，決定結束三十三年嘅連載。尼子騷兵衛今年六十一歲，1986年開喺《朝日小學生新聞》連載漫畫《落第忍者亂太郎》，1993年開始改編成動畫《忍者亂太郎》。呢部動畫一直陪伴香港人成長，相信大家都識唱「Susan一巴星落Yuki」。今次就一齊重温下呢部經典嘅八大回憶：
1. 邊個係大雄？邊個係亂太郎？
網上圖片
亂太郎同大雄成個餅印咁樣，好易會撈亂。最重要嘅TVB嘅粵語配音版，以前係用同一個配音員聲演呢兩個角色，好易會令人混淆。（以前大雄同亂太郎嘅配音員係由盧素娟聲演，佢喺2006年已經過生。）
2.雙眼只有錢
網上圖片
小丸最大特點就一定係佢對眼，當佢一聽到同錢相關嘅聲音，兩隻眼即刻變左對銅錢。
3.鼻涕新丁
網上圖片
新丁嘅鼻涕絕對係萬能，可以用鼻涕做武器，墮崖嗰陣仲可以當做繩索逃生用。
4.老師扮女人
網上圖片
山田老師係個幾樣衰下嘅大叔，但係好鍾意易服扮女人，仲要次次都呃到人。
5.敲鐘狗
網上圖片
岡本校長養左隻狗叫嘻嘻，同人冇乜分別，平時會用頭撞個校鐘。
6.飯堂靚姑
網上圖片
學校飯堂嘅靚姑有個原則，就係唔可以食剩任何嘢，就算食剩一粒飯都唔畀離開。
7.笑到仆街
網上圖片
毒菇城忍術學校嘅校長八方齋，因為個頭太大，所以每次仰天長笑嘅時候都會仆喺地下唔到身，要人扶返起身先得。
8.一定識唱主題曲
TVB播嘅《忍者亂太郎》，都係直接播返日文主題曲，大家都一定會識唱「Susan一巴星落Yuki」。
同場加映香港網路漫畫家黎特嘅廣東話版《忍者亂太郎》：
