《安眠醫生》導演用特別嘅sell橋技巧打動恐怖小說大師
其實唔係得朗誦先要特別技巧。
《安眠醫生》導演Mike Flanagan喺讀緊小學嗰陣已經係史提芬京嘅超級書迷，佢表示喺細個嗰陣鍾意睇史提芬京嘅小說，到而家可以執導佢嘅小說改編電影，令佢覺得相當不可思議。
網上圖片
Mike Flanagan第一部導演改編史提芬京小說係《Gerald’s Game》，但係當年其實冇乜點同偶像溝通，史提芬京之後先寫信話畀導演知「好鍾意套戲」。因為有偶像加持，所以導演今次主動向史提芬京提議改編《安眠醫生》。不過一開頭嗰陣，恐怖小說大師是拒絕的。
網上圖片
最後Mike係用特別嘅推銷技巧令到史提芬京改變主意，Mike用《安眠醫生》嘅劇本結合小說情節去sell大師：「我要八年冇飲過酒嘅Danny坐喺全景飯店嘅酒吧，佢面前有杯威士忌，佢可能飲，可能都唔會飲……」因為呢個咁特別嘅技巧，令到史提芬京好想知電影之後會點發展。
網上圖片
Mike指《安眠醫生》係關於恢復同反省嘅故事，喺幾十年之後再睇返因為酒精上癮而造成嘅創傷，Danny同佢老竇一樣都係酒鬼，但係佢嘅應對方法就同佢老豆完全唔一樣。當Mike知道左華納想搞《安眠醫生》嗰陣佢就盡全力去爭取執導，佢跟返原著將焦點擺喺主角Danny Torrance、閃靈少女Abra同反派Rose the Hat嘅發展，電影仲會見到《閃靈》加《安眠醫生》，變成一場生死對決。
網上圖片
史提芬京表示導演Mike進一步延續寇比力克嘅《閃靈》，呈現更多人性掙扎嘅劇情，成功融合電影同小說。
