【美國隊長】基斯伊雲斯一直都係戴假髮 劇組製造假髮過程勁仔細
原來連頭髮都係假。
網上圖片
有頭髮邊個會想戴假髮，想當年鄭少秋畀狗仔隊影到佢個地中海都搞到滿城風雨，不過美國隊長基斯伊雲斯（Chris Evans）雖然靚仔兼大隻，迷倒眾多少女。但原來佢係要長戴假髪去飾演美國隊長，最近就流出左美國隊嘅假髮製造過程，震撼唔少影迷。
網上圖片
其實基斯唔係因為地中海先要戴假髮，喺現實生活嘅佢係冇脫髮煩惱。不過因為拍戲時間太長，頭髮長度會改變，搞到髮型好難連戲，所以劇組要做個假髮畀美國隊長。而呢個做法，喺荷李活都相當常見。
網上圖片
要做一個好嘅假髮並唔係咁容易，劇組總共用左九種顏色去整金髮嘅漸層，所以好多觀眾都睇唔出美國隊長係戴假髮。不過，成日戴假髮係會好容易搞到甩頭髮，可能而家基斯伊雲斯本人其實都係戴緊假髮。
網上圖片
