蝙蝠俠原本可能係四部曲 最後一部拍唔成因為導演「唔撈」？
凡事去太盡都冇好結果。
基斯頓比爾（Christian Bale）最近為左新戲《極速傳奇：福特決戰法拉利》四圍出席宣傳活動，但係話題係當年嘅《蝙蝠俠》三部曲。
網上圖片
基斯頓比爾透露原來當年拍完《蝙蝠俠—夜神起義》之後係有機會拍埋第四集，不過因為導演基斯杜化路蘭（Christopher Nolan）堅持原則，搞到最後唔成事。
網上圖片
基斯杜化路蘭導演嘅《蝙蝠俠》三部曲係DC電影最為經典嘅系列作，尤其係《蝙蝠俠—黑夜之神》。《蝙蝠俠—夜神起義》喺2012年上畫嗰陣已經公開講明係最後一集，不過基斯頓比爾就大爆驚人內幕。
前任「蝙蝠俠」接受《Toronto Sun》訪問就表示，當年拍《蝙蝠俠》嗰陣試過畀人恥笑，佢話：「我地要以新方式呈現作品，當我同人講呢個消息嗰陣，有啲人曾經恥笑我地。」佢仲為係因為導演出色，令到笑佢地嘅人勁失望。基斯頓比爾話：「第一樣嘢係導演有擔戴，其次係大家冇覺得自己好另。每次我地都只會專心做好一部電影，亦即係導演堅持嘅原則。」
網上圖片
不過，通常一部作品太出色，電影公司都會要求係咁拍續集，基斯頓比爾透露華納兄弟成日都問導演想唔想拍。但係佢話導演當時打算拍完第一集就唔拍，但係公司又走揾導演傾，最後就有《蝙蝠俠》三部曲。但係，導演就同佢講拍完三集之後就會停。
網上圖片
最後拍完《蝙蝠俠—夜神起義》，華納叫基斯杜化路蘭拍第四集《蝙蝠俠》，仲諗住叫基斯頓比爾勸導演應承。比爾表示要堅守導演原則，只會拍三部曲，佢補充：「所以最後導演走左，連我都畀人炒埋冇得做蝙蝠俠。」
網上圖片
