賣肉系漫畫《巨蟲列島》改編劇場版 真人宣傳片還原重要元素
呢個島嘅巨蟲係會除晒人地啲衫。
網上圖片
平時細細隻蟲一下就拍得死，如果蟲蟲變到恐龍咁大，到時就係人類末日。日本漫畫《巨蟲列島》，講述一班學生因為飛機失事而流落荒島，但係島上係巨蟲天下，視人命如點心。呢部作品大受歡迎，所以2020年會拍成動畫劇場版，最近動畫公司拍左一條真人預告片為劇場版宣傳，效果驚人。
網上圖片
《巨蟲列島》喺2014年連載，藤見泰高原作、REDICE作畫。喺漫畫入面一班學生要喺荒島求生，面對唔同種類嘅昆蟲，所以睇漫畫嗰陣會學到唔少昆蟲知識，寓學習於娛樂。忠實讀者知道左2020年會上畫劇場版當然相當興奮，近日嘅真人宣傳片就成功引起話題。
網上圖片
呢部作品除左巨蟲食人嘅恐怖場面之外，女角色嘅身材都相當誘人惹火，講明荒島求生，又要面對巨獸侵襲，當然有大量撕衫嘅香艷畫面，真人版嘅預告都原汁原味重現返呢類場面，片中女演員都係著得少布，仲會大頭影住女演員嘅心口。雖然宣傳片只有四十秒，但係一班觀眾都已經相當興奮，有留言表示根本係《巨乳列島》，似乎偏離原著嘅教育昆蟲知識嘅原意。
網上圖片
