【蜘蛛俠】湯賀蘭醉住同迪士尼總統傾電話救返蜘蛛俠？
小酌怡情。
網上圖片
早前迪士尼同Sony為蜘蛛俠嘅電影版權搞到全球風雨，版權持有方Sony一直都唔想畀蜘蛛俠喺MCU作品出。最後兩大巨頭終於都可以達成協議，觀眾當然係最大受益者。兩間大公司之所以成功達成協議，「蜘蛛仔」湯賀蘭可能係其中一位功臣。
網上圖片
早前賀蘭仔上清談節目「Jimmy Kimmel Live」受訪，主持Jimmy提到之前訪過迪士尼CEO Bob Iger，佢提到賀蘭有份終結迪士尼同Sony之間嘅爭拗。不過賀蘭仔就話自己當時係唔太清醒，因為佢飲醉左。
網上圖片
湯賀蘭就話當佢發現Sony可能唔會畀蜘蛛俠留喺MCU之後，佢決定Send個email畀總裁Bob。賀蘭仔就透露個電郵內容：「我只係想同阿Bob講聲多謝，呢五年相當之美好，改變左我嘅人生，同埋我好想將來可以繼續一齊做嘢。」佢解釋話：「我Send完個email冇耐，佢就好快覆左我，就問我幾時得閒，想要同我傾電話。咁我就冇畀個確實時間阿Bob，就覆佢幾時都可以。」
網上圖片
佢繼續講：「過左兩三日之後，我同屋企人去左一間本地城填酒吧玩 pub quiz（註：酒客喺酒吧組隊，主持人會問問題，答啱最多問題嘅隊會有獎金），當時我空肚飲左三大杯啤酒。呢個時突然收到一個冇見過嘅電話號碼打嚟，我估佢應該係阿Bob。但我嗰陣已經飲醉左，爸爸就叫我聽電話，一定冇問題。
賀蘭仔就講笑話佢先問左阿Bob一啲唔關事嘅迪士尼問題，之後先再講返啲正經嘢。
「基本上我係多謝佢畀呢機會我，佢就答話：『我地喺呢個世界冇嘢係做唔到』，講完之後嗰幾日就有一堆電話打過嚟。
Jimmy就話阿Bob喺上次訪問踼爆賀蘭仔喺電話度爆喊，佢就答：「我喺嗰一刻係比較情緒化，因為我感覺到成件事就嚟會結束。我地有啲好計劃去同Sony一齊合作，蜘蛛俠嘅未來係好光明，但係將蜘蛛俠喺MCU趕出嚟一定會係恥辱。
