HBO重啟《花邊教主》編劇：要學Marvel打造「花邊」宇宙
成套劇主題：人言可畏。完。
網上圖片
早前HBO Max 買左《花邊教主》（Gossip Girl）嘅重啟劇集而引起熱議，目前已經確定由原版編劇Joshua Safran寫劇本，兼做埋節目監製。劇情設定喺原劇「花邊教主」執笠嘅八年之後，主要集中喺一班新生代嘅紐約私學中學生，佢地嘅社交活動又畀「花邊教主」監控。今次故事會強調社交媒體同埋紐約城市，同埋會展示返呢咁多年以嚟有咩變化。原版劇集嘅Kristen Bell亦都會做返旁白。
網上圖片
編劇Joshua Safran最近接受外媒《ET》訪問，佢話希望劇集可以反映到2020年播出嘅環境，睇返呢幾年社交媒體有咩改變，花邊教主嘅動向同埋意義，同而家後生仔嘅互動亦都跟住變，佢仲認為經《花邊教主》反映時代會好有趣。
其他主創成員tephanie Savage、Josh Schwartz 都曾經講過重啟版嘅主角係Z世代嘅中學生，佢地唔係新版嘅Serena、Blair。Joshua 再一次肯定返呢個設定，佢話會將呢樣嘢當成Marvel宇宙咁睇，唔係續集，而係換個唔同角度去睇返件事。佢又補充指，故事背景仍然係一間中學，佢地會重返Constance Billard，睇班新人嘅生活，佢地仍然會着校服。不過大家都唔係嚟自上東區（紐約豪宅區），布魯克林係個好地方，可能會仲型過曼克頓，除左呢個變動之外，原版嘅精神都係冇變。
網上圖片
劇組已經揾左當年嘅主角Blake Lively、Leighton Meester、Penn Badgley、Chace Crawford、同埋Ed Westwick等等嘅主要演員，編劇Joshua仲話演演員Penn 好有興趣Dan 嘅後續故事。編劇同Penn傾過之後Dan嘅走向，不過要睇返一班演員得唔得閒，事關而家個個都大紅大紫。Joshua 表示如果原版演員想嘅話，佢係絕對歡迎。
網上圖片
Joshua亦都講到《花邊教主》嘅重啟版係同串流平台合作、同喺傳統電視台播放有咩唔同。佢表示兩者都有唔同嘅限制，平台嘅集數再少啲，同以前嘅講故事模式唔一樣。Joshua認為不論點都好，劇組都只係希望故事人物可以忠於劇集本身。
HBO Max預計喺2020年5月喺美國上線，但係《花邊教主》就未有首播
