【鐵達尼號】紀錄片曝光生還者絕密信件 原來有錢人連沉船都唔怕？
鐵達尼沉船，有人連隻狗都可以帶埋一齊上救生艇。大前提係你老竇係個銀行家。
網上圖片
全球賣座嘅災難愛情片《鐵達尼號》由占士金馬倫執導，里安納度狄卡比奧同埋琦温斯莉主演，電影改編自1912年4月嘅鐵達尼號沉船事故，意外令到1500個乘客死亡。之前英國電視台UKTV紀錄片《Titanic: Stories From The Deep》，公開左其中一位倖存者嘅絕密信件，令人再次了解呢單海難。
網上圖片
紀錄片《Titanic: Stories From The Deep》一共有四集，其中一部分係採訪左當年倖存者Michel Navratil嘅孫女Elisabeth。Michel 同佢細佬Edmond 係嚟自法國，當年佢地畀老竇帶走左，仲搭埋鐵達尼號，諗住離開英國去紐約開展新生活。
網上圖片
鐵達尼號喺1912年4月14日，夜晚11點40分撞到冰山，所以乘客都急住逃生，但救生用品完全唔夠，搞到1500個乘客死左，包括Michel兄弟嘅老竇。當時佢地三父子係二等乘客，高過《鐵達尼號》嘅Jacke一等。
網上圖片
撞到冰山之後，Michel同細佬畀老竇帶走，好似電影咁，女人同小朋友可以走先，所以當時4歲嘅Michel 同佢兩歲嘅細佬Edmond 成功搭到救生艘。不過，佢地老竇就不幸遇難。倖存嘅兩兄弟畀傳媒叫做「鐵達尼號孤兒」，因為佢地係惟成功倖存而有無父母嘅小朋友。
網上圖片
Michel個孫女喺節目入面讀出佢留低嘅信，描寫當時遇難經歷：「爸爸叫醒我，仲帶埋我去左鐵達尼號嘅甲板度，我同細佬畀人帶上救生艇，但架艇已經就嚟坐滿人。爸爸叫我地對阿媽好啲，之後佢就走左。我嗰陣唔知道以後都會見唔返佢，我記得救生艇離開鐵達尼號嗰一刻，隻艇喺水入面發出嘅噪音，同埋救生艇郁動嘅一刻。我記得喺艇瞓着左，之後醒返，見到個海係翠綠色，離遠會見到另一隻船。」
網上圖片
最後Michel兩兄弟交畀一個識講法文嘅頭等乘客照顧，直到1912年5月6日，阿媽喺報紙睇到佢地張相，先知道佢地去左紐約，於是即刻接返佢地去法國。Michel曾經喺晚年受訪，佢表示：「當時入到救生艇係相當榮幸，我地隔離坐左個銀行家個女，佢隻狗都喺隻艇度，嗰陣冇人反對。船上面嘅人有好大差距，後來我先知道，如果我地唔係二等艙乘客，一早就死左。成功獲救嘅人係靠呃呃氹氹同埋用激進嘅方法先上到隻艇，老實人只有死路一條。」最後Michel喺2001年過生，享年92歲。
順帶一提，頭等艙乘客獲救比率係高過三等艇好多。
