【上流寄生族】康城影展觀眾鼓掌8分鐘 導演唔領情仲叫人快啲返屋企？
表面冇禮貌，背後其實另有原因。
韓國導演奉俊昊帶埋翻譯一齊上美國清談節目去宣傳嘅最新話題作《上流寄生族》，呢部電影已經拎到三個金球獎提名，包最佳導演同最佳劇本。
網上圖片
奉俊昊上左清談節目《Tonight Show Starring Jimmy Fallon》，係佢第一次出現喺美國嘅清淡節目。導演喺節目入面強調，《上流寄生族》係一部有趣又可怕嘅影。
網上圖片
之後主持人Jimmy就想導演親自簡介下電影故事，因為佢擔心自己講會唔小心劇透。導演就相當搞笑咁話：「我至少可以咁講，當大家覺得凍嗰陣，呢部電影就係最好。」講完之後，主持就提佢其實係上左清談節目，之後佢再簡單啲講話「係關於家庭嘅故事。」
網上圖片
喺幾個月前，《上流寄生族》贏左康城金棕櫚大獎，當時喺影展播完呢部電影之後，觀眾鼓掌八分鐘同埋令到康城評審團一致決定畀電影贏最高殊榮。主持就恭喜導演成第一部韓國電影拎到呢個大獎，佢就問導演點解當時喺八分鐘嘅掌聲之後就叫觀眾「大家返屋企啦！」。
網上圖片
導演就解釋：「大家企起身拍手掌都維持左好長時間，但係我同一班演員其實就好肚餓，因為我地仲未食晚飯。」「電影播完最後完結字幕，我地大家都話非常肚餓。」所以等大家鼓完掌之後，導演就叫大家返屋企。
AP圖片
《上流寄生族》橫掃多個國際大獎，包括早前贏左紐約線上影評人協會最佳電影同埋洛衫磯影評人協會最佳電影。《上流寄生族》環繞住一個男人同佢失業嘅家人，佢地混入左有錢人嘅屋企，但係最後發生預計唔到嘅意外。
除左金球獎拎到三項提名之外，《上流寄生族》仲會代表南韓競逐奧斯卡最佳國際電影（前稱最佳外語片）。
