真人版神奇女俠？ 亞馬遜女戰士山土遺骸揭曾漂流南美稱霸雨林
歷史變成神話，但終有一日真相會出土面世。
DC電影《神奇女俠1984》下年6月將會喺香港上畫，大家都好鍾意電影嘅女戰神形象，但係原來唔電影咁簡單，佢地可能係真實存在。早前英國《每日郵報》報導，有考古團隊喺亞美尼亞嘅洛里省掘到一具駭骨，經研究之後發現呢具駭骨係一個女性，喺2500年之前戰死，而且佢個墳有大量金銀珠寶陪葬，應該有好高地位。
網上圖片
今次已經係第二次喺同一個地方掘到女戰士嘅駭骨，亦都同傳說中嘅「亞馬遜女戰士」住嘅地點好近。傳說喺公元前8至6世紀，呢班戰士住喺今日嘅土耳其北部，後來希臘人對外抗張殖民，佢亦都隨之而畀人趕走。喺特洛伊戰爭入面曾經幫特洛伊人打勝仗，當時啲人仲認為佢地「同男平分秋色。力量之神海格力斯都有女戰力嘅戲份，DC嘅《神奇女俠》就係參考佢地而創作。
網上圖片
咁到底亞馬遜女戰士其實又係點嘅呢？
網上圖片
喺古希臘神神話入面，女戰士係住喺個島上面，建立成一個只有女人嘅社會，如果佢地想要多啲人的話，就會去隔離部落度揾啱心水嘅男人。如果生左男仔嘅話，佢地就會喺河入面浸死BB；如果係女仔得話，就會畀心機培育佢地。
據文獻記載，女戰士住喺黑海附近，當時嘅黑海又稱之為亞馬遜海，所以佢地亦叫做亞馬遜女戰士。「亞馬遜」呢個字同時有另一個意思為「冇乳房」，因為乳房會阻到佢地拉弓，所以佢地喺細個嗰陣就會切走一邊乳房。
網上圖片
喺希臘神話入面，海格力斯為左補償老竇宙斯見異思遷嘅罪孽，佢一定要做齊十二個任務，其中一個任務係偷走亞馬遜族女王西玻麗達嘅魔力。喺神話入面，海格力斯成功偷走女王魔力，但亦因為呢個神話故事搞到亞馬遜族人唔妥希臘人。喺特洛伊戰爭入面，女王貝德西蕾雅畀希臘大將阿基里斯殺死。
根據神話記載，阿基里斯為左防止女王復仇尋仇，於是就侵犯佢嘅遺體（姦屍）。
網上圖片
因為呢個典故，所以亞馬遜族人唔太妥希臘人，打完特洛伊戰爭之後，佢地會成日喺希臘沿海出沒，有時會攻擊雅典城。
網上圖片
另外喺公元前五世紀，亞馬遜女戰士都有幫波斯抵抗希臘。不過最後贏家係希臘軍，女戰士打敗仗之後，被逼遷到斯基泰（南俄羅斯）、卡帕多西亞（土耳其）、甚至非洲。幾個世紀之後，佢地漂流到某個不知名嘅島仔，喺熱帶雨林嘅深深處定居。
亞馬遜女戰士喺全世界飄流，喺南美嘅原始森林入面有個女戰士嘅神秘部落，可能佢地嘅始祖係希臘神話入面嘅亞馬遜女戰士。
喺十六世紀嘅時候，當時已經成功侵略印加帝國嘅西班牙國王派出遠征軍隊，去安第斯山脈東北部揾香料同肉桂，但因為天氣同地勢惡劣，西班牙軍隊損兵拆將，前後用左七十日，但最後乜都拎唔到。於是西班牙殺晒帶路嘅美洲原住民出氣。
網上圖片
之後軍隊決定繼續揾香料，佢地搶走原住民嘅艇，由偵察隊沿住河流搜索，但因為水流太急，所以佢地同大隊失散左。喺中途，偵察隊畀唔少原住民攻擊，漂流到下遊上岸之後見到一個大村落，佢地盤當村落嘅原住民，其中一個人就自己係亞馬遜女戰士嘅工人，嗰度係佢地嘅城市。不過，西班牙人唔信佢地。
喺兩個星期之後，西班牙軍隊同亞馬遜女戰鬥，冇死到嘅西班牙士兵就話女戰士嘅鬥心好強，佢地一個可以十個男人，佢地除左下體有一塊布遮住之外，其餘部位都冇着衫。女戰士帶領原住民打仗，佢地會殺死所有逃兵。
網上圖片
之後，女戰士部落就統治左沿岸地域，所以呢一帶就叫做亞馬遜流域，喺雨林流動嘅河就叫亞馬遜河。
不過未死嘅西班牙士兵返到鄉下之後就報告亞馬遜女戰士嘅詳情，不過大部分人都唔信。有啲唔怕死嘅人，就會想去雨林女戰士部落揾黃金同香料，咁當然係好多都冇下場。
網上圖片
現代對於亞馬遜女戰士有好多美好嘅幻想，其實以戰鬥民族嚟講，照道理應該唔會好樣得去邊。
網上圖片
而家仲有冇亞馬遜女戰士嘅後代？可能亞馬遜流域嘅母系部族可能會係有啲關係。
網上圖片
