外媒選出五大年度爛片：三部迪士尼真人翻拍作品全部入圍
拎咁多錢又係拍返一模一樣嘅嘢又真係冇創意嘅。但係奈何人地賺左好多錢。
網上圖片
除左年度十佳電影之外，當然仲年度爛片。外媒《Entertainment Weekly》除左揀出十部2019年最好嘅電影，仲揀埋年度五大爛片。當中包括迪士尼三部真人版電影（當一部作品計）、《哥斯拉II：王者巨獸》、同埋李安執導嘅《雙子任務：疊影危機》，相信令到唔少觀眾都會覺得好意外。
2019年度五大爛片
5.迪士尼重量級真人重製版電影（《阿拉丁》、《小飛象》、《獅子王》）
網上圖片
將迪士尼真人版電影評為爛片嘅原因係，似乎迪士尼其實唔太緊張電影嘅質素，甚至連拍一部中規中矩嘅作品都唔太想。既然迪士尼有咁多錢，點解唔拍返佢地最擅長嘅原創作品呢？以往迪士尼嘅電影都可以打動到唔同年齡層嘅觀眾，但而家佢地似乎好沉迷喺不停翻拍賺快錢。
4.《The Kitchen》
《The Kitchen》係改編自DC漫畫旗下嘅Vertigo出品嘅同名漫畫，故事講述三個女主角嘅黑社會老公畀人拉左，所以三個賢內助就暫時幫老公睇住黑幫生意，但到老公放返出嚟嗰陣又唔想讓返個位出嚟。電影雲集當今最出色嘅女演員做主角，包括《熱爆Madom》瑪莉莎麥卡菲、《侍女的故事》伊莉莎白莫斯、當紅喜劇明星Tiffany Haddish。
網上圖片
雖然睇落去故事唔錯，演員陣容有保證，但係佢地喺部戲就好似一班聾啞人士咁，去隔硬演出七十年代嘅探長劇。例如劇情會有好多非常尷尬嘅賄賂情節，但係一班演員明知有問題都好，但都係會照樣演出。雖然呢個唔係熱廚房，但係都不直久留。
3. 《哥斯拉II：王者巨獸》（Godzilla: King of the Monsters）
網上圖片
呢套作品就擺明車馬係要利用哥斯拉，同埋其也經典角色去賺錢，就算揾左中國明星去叫佢地講一啲勁求其嘅對白，都冇辦為呢套戲拎到好票房。
2. 《雙子任務：疊影危機》（Gemini Man）
網上圖片
由兩屆奧斯卡得主李安執導、紅足廿五年嘅巨星韋史密夫主演、又要《權力遊戲》編劇David Benioff 寫劇本。但係呢部科幻動作片始終不似預期，尤其好難令人相信係由李安做導演，對白直接、情感淺薄生硬。期待過高自然令人失望。
1.《驚濤佈局》（Serenity）
網上圖片
成套戲就好似兩個鐘嘅馬修麥康納希（Matthew McConaughey）嘅個人廣告，除此之外都冇其他特別。
