五個關於金城武嘅傳說
最慘係太靚仔。
1.金城武喺十五歲嗰陣簽約去左台灣殿堂級歌手陳昇嘅錄音室做製作助理，一開頭返嗰陣啲男同事都唔理佢，因為佢實在太靚仔。男同事：「每次見到金城武，返到屋企臨瞓前去刷牙，望到塊鏡嘅自己就會覺得落差好大，搞到好嬲！」
網上圖片
2. 佢曾經好唔開心咁講過：「一般啲女仔見到我，第一件事會尖叫，之後拎住本簿走過嚟揾我簽名，最後就影相合照。」
「做完呢三件事之後，佢地行開，好開心咁周圍晒畀人睇。之後得返我一個戇居居咁企喺度，冇人同我傾下偈。」
網上圖片
3. 聽講金城武睇左七次《海底奇兵》，每次睇都會喊。
網上圖片
4. 金城武係個超級毒撚，日常生活就係上網、打機、喺屋企睇戲（以前會租帶返屋企睇）、一係就睇下書。
佢講過：「間唔時會同朋友出街食飯，一係喺屋企附近嘅麵檔食個麵就算，你問我會唔會自己煮埋，我驚連麵都自己煮埋仲更加唔會出門口。」
網上圖片
5. 喺2003年嘅，日本電視台NHK出品嘅紀錄片《金城武南極探險之旅 》，唔單止可以見到南極風光，仲可以睇到最真實嘅金城武。佢會撩啲海豹玩，仲會學海豹咁食冰，仲話：「我諗我可以體會到海豹嘅心情喇。」佢仲喺南極執左舊冰，之後再整碎畀大家浸喺威士忌入面，同大家一齊飲酒，佢仲因為聽到南極嘅冰喺酒入面融化嘅聲而開心到不得了。到臨離開南極嗰陣，金城武望住離遠嘅企鵝，佢話：「嗰隻企鵝同我有啲似，因為我成日都係自己一個人。」
網上圖片
