《逃出魔幻紀》英文片名源自南非部落 原來中國古代都玩緊類似遊戲
中國文化真係博大精深。
網上圖片
《逃出魔幻紀：霸氣升呢》最近正式上畫，（Jumanji: The Next Level）由狄維莊遜（Dwayne Johnson）、積碧克（Jack Black）、奇雲赫特（Kevin Hart）主演，今次電影又再帶大家入遊戲世界冒險。喺1995年嘅第一集《逃出魔幻紀》（Jumanji）就係講述一班主角意外去左Borad Game 世界，但其實電影入面嘅遊戲係根據真實歷史改編，甚至同中國歷史都有關。
網上圖片
喺1995年，《逃出魔幻紀》上畫嗰陣，男主角羅拔威廉斯喺當年接受外媒《Entertainment Weekly》訪問，佢表示英文戲名「Jumanji」其實係源自南非祖魯族（Zulu）嘅語言，意思係「好多影響」。不過佢當時想整蠱觀眾，佢就同大家講話呢個係加勒比海嘅一個島仔，仲叫大家去嗰度旅行。
網上圖片
不過，有專門研究神秘學嘅網站《Mystic Investigations》就聲稱，其實「Jumanji」係由非洲巫醫同英國女巫喺1800年代發明嘅遊戲，兩夫婦係專門研究靈體，佢地利用「Jumanji」去保留邪靈。網站仲聲稱，兩夫婦計劃用「Jumanji」令自己永生，大前提係要死左先。最後英國皇室就秘密買左呢個「Jumanji」。當然，呢一切只係網站聲稱真實，唔知真定假，當故事聽完就算。
網上圖片
另外，有外媒指出，喺中國戰國時期其實都有類似「Jumanji」嘅棋類遊戲。早前，喺中國青州市附近就掘到一座2300年歷史嘅古墓，考古學家喺墓入面見到一啲棋盤遊戲嘅碎片，包括一個由動物牙齒製成嘅十四面骰仔。其中骰仔嘅十二面就寫左一至六，剩返兩面就係空白。另外仲有二十一塊長方形嘅碎磚，部分磚就印左眼、雲門舞集同雷暴嘅圖案。呢隻遊戲叫做「六博」，喺中國古代由戰國時期到晉朝都流行嘅Borad Game，大約玩法係模擬貓頭鷹或者其他雀鳥喺池塘捉魚。
網上圖片
