2019年美劇遺珠《Modern Love》 年度最引人共鳴現代愛情故事
A零仔都唔緊要，一樣可以睇《Modern Love》，總有一個故事會打動你。
網上圖片
由Amazon出品嘅《Modern Love》喺IMDB拎到八分，絕對係本年度被忽視嘅佳作劇集。《Modern Love》改編自紐約時報同名專欄，每集半個鐘，一共八集，每集都係獨立單元故事，由愛情、友情、家庭等唔同角度切入，探討現代人際關係，都係環繞住「愛」嘅命題。劇集有唔少巨星壓陣，包括安妮夏菲維（Anne Hathaway）、 天娜菲（Tina Fey）。
網上圖片
其中兩集比較為人注意，有一集關於「愛情遺憾」，男主角Joshua係個交友APP嘅CEO︳喺某次受專訪嗰陣講起以前一段最深刻嘅愛情經歷。
網上圖片
Joshua到一見鍾情嘅女朋友拍拖、仲訂埋婚，但最後只係因為女朋友犯左一個好細嘅錯而分手。Joshua話：「我遇到好多好叻、好體貼嘅人，但都佢地都唔係佢。」就算飛黃騰達都好，Joshua始終忘記唔到嗰個女仔。
網上圖片
記者Julie聽完CEO真情剖白之後，佢都忍唔住暫時放低自己嘅專業，分享自己嘅愛情故事。佢都遇到一個真愛，但係之後有再聯誼會對方，Julie一直都好掛住呢段感情，足足二十年。到後來Julie再見返個男人，但嗰陣佢已經結左婚。
網上圖片
喺《Modern Love》最後一集，講述一段暮年之戀，兩個老人家因為跑步而相識，最後阿婆送伯伯最後一程，佢喺喪禮度就話：「每次我地喺間屋相遇嘅時候，佢一定會停低錫我，或者捏下我膊頭、摸下我隻手。」相戀到白頭，似乎就係每個人嚮往嘅愛情。
網上圖片
每集嘅單元故事，似乎係唔少嘅人生片段嘅寫照，每個人必然有段深刻嘅愛情。因為收視口碑都唔錯，Amazon 宣布會再拍第二季。
