「坦率得可愛」 輸緊波都唔要12碼
當球隊正在落後，即使敵隊無犯規，但你成功搏得12碼時，你會點樣做？一名德國球員完全展示出咩叫「心要正、路要正、場波重回正軌」，坦白向球證講敵隊無犯規，不應吹罰12碼。
Toni Munoz（網上圖片） 德國地區聯賽，黑衫的FC Bocholt作客Baumberg，客隊落後2:0的時候，其前鋒Toni Munoz成功在禁區搏得犯規，有機會為球隊「win back場波」。
搏到12碼！（影片截圖） 主隊球員聽到球證「響雞」，即刻全部「生蝦咁跳」，有人衝向球證並表示自己無犯規，情緒非常激動。其後看見Toni Munoz施施然步向球證，再向球證表示只是自己「仆親」，對方未有犯規。「坦率得可愛，堅持得可敬」，球證見到咁嘅場面，都只好取消原有吹罰。
主隊球員勁激動（影片截圖） 
梅洛斯同球證解釋對方無犯規（影片截圖） 敵隊球員由激動轉為感動，有人拍掌以示鼓勵，有人抱一抱Munoz，其中一名球員Fatih Duran更攬住嚟咀，向他的誠實致敬。雖然場面感動，但未知Munoz的隊員及教練，對於「忠誠的反對派」，又有啲咩睇法呢？
杜蘭攬住梅洛斯嚟咀（影片截圖） 
